Kochi

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

---

(i) 9° 58′ 00″ N, 76° 17′ 00″ E

Kochi കൊച്ചി Paiz {{{paiz}}} Pozision   • Altura 0 m Superfisia n/d Povlasion 612.343 mor. (2012) • Densidad 6.340 ab./km² Jentilisio Kochini Alkalde Soumini Jain Pajina web http://www.corporationofcochin.org

Kochin, yamada ofisialmente Kochi (malayali: കൊച്ചി, es una sivdad ke se topa enel estado indio de Kerala. La siuvad es uno de los prinsipales portos del payis i se topa enel distrito de Ernakulam, unos 220 kilometros al nord de la kapitala del estado, Thiruvananthapuram. En la sivdad biven unas 600.000 personas, kon una povlasion metropolitana de kaji 1.5 milyones, aziendo de la sivdad la mas grande del estado, diskues de la kapitala. Cochín es endemas la sivdad más grande en India sin una majorita de relijion induista.

Istorya

Kochi era el sentro del trafik de especias del 'olam por munchos syeklos, i era konosida por los grekos, romanos, djudios, arabos i kinezos desde tiempos antikos. Kochi se troko en sentro emportante diskues ke el porto de Kodungallur (Cranganore) era destruyido por una akresida del rio Periyar en 1341. Las primeras referensias dokumentadas de Kochi se topan en los livros eskritos por el kinezo Ma Huan en la su vijita a Kochi enel syeklo XV komo parte de la flota del del Almirante Zheng He. Endemas se topan referensias a Kochi en los relatos eskritos por el italiano Niccolò Da Conti, el kualo vijito Kochi en 1440.

D'akodro kon la majorita de los istoryadores, el Reyno de Kochin tuvo el su empesijo en 1102, diskues de la fin del imperio Kulasekhara. La Famiya Reala de Kochin era yamada Perumpadappu Swaroopam. La sivdad de Kochin siempre era la kapitala del prinsipado desde el syeklo XVIII, ama munchas vezes el prinsipado era kontrolado por huersas ajenas, y el maradja munchas vezes solo tenia puederes en titolo.

El Forte Kochi era el primer asentamyento evropeo en India. Desde 1503 fina 1663, el Forte Kochi era un forte Portugezo. Estas anyadas portugezas eran negras para los djudios de Kochi ke moravan en la rejion, deke la Inkisizion Portugeza se topava en la India Portugeza. Endemas en Kochin se topava la tumba de Vasko da Gama, el primer eksplorador evropeo ke arivo ala India, i ke diskuesde amortar era enterrado en la Kilisia de San Fransisko fina el diya ke el su puerpo era tornado a Portugal en 1539.

Entre mientres, los olandezos, asinyaron el akodro anglo-olandezo de 1814 con el Reino Unido, basho el kualo Kochi era entregada al Reino Unido en trokamiento por la isola de Bangka ma, egzisten provas de ke los inglezos arivaron ala rejion antes de la sinyatura del akodro. En 1866, el Forte Kochi se troko en una munisipalitad, i las sus primas eleksiyones al Konsesho Munisipal eran echas en 1883. El Maradja de Kochin, el kualo governo endjunto a los inglezos, dechidio el empesijo de la administrasion de la sivdad, kriando konssehos en Mattancherry i Ernakulam. En 1925, la presion de los sitizenos izo ke se kriase la Asamblea Lejislativa de Kochi.

Kochi kresio ekonomikamente poko en las anyadas diskues de la independensia de la India. Diskues de la liberalisasiyon de la ekonomiya propozada por el governo nasyonal en la anyada de los 90 kavzo un amijoramiento grande de la ekonomiya de la sivdad. El fraguamyento de varios parkos teknlojikos i la infraestruktura para el porto kavzaron un kresimyento de la sivdad i del su levelo de dezvelopamiento. Oy endiya, Kochi es la kapitala ekonomika de Kerala.