Ildikó Rejtő
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Ildikó Ságiné-Ujlakiné-Rejtő (Budapesht, 11 de May de 1937) es una esportista de Madjaristan, la kuala kompitio en eskrima, espesialista en fluret, penta-shampiona mundiala i dos vezes shampiona olimpika.[1]
Biografiya
trocarIldikó Rejtő nasio en Budapesht, Madjaristan, en una famiya djudia.[2] Es sodra de nasimiento.[3] Kresio kon dolensias kavzadas por eskoliosis desde la su mansevez.[4] El su padre dechidio ke aresiviera lisiones de fluret kon el buto de amijorar la kondision del su lombo [5]
Kariera esportiva
trocarDeke era sodra, kuando prinsipio en la praktika de eskrim de dead de 15 anyos, ambezo meldando las instruksiones eskritas por los sus treinadores.[3][6]
Era la ganadora del shampionato mundial de fluret junior para mujeres en 1956-1957 i shampiona nasionala de Madjaristan en 1958.[7] Era yamada la Esportista del Anyo en Madjaristan en 1963 i 1964.[7]
Shampionatos Mundialos
trocarEra la ganadora del Shampionato Mundial de Eskrim en la kateggoria de fluret individual en 1963, i por taifas en 1962, 1967 i 1973.[8]
Djuegos Olimpikos
trocarRepresento al ekip de Madjaristan en todos los Djuegos Olimpikos de Enverano entre 1960 i 1976, aresiviendo syete medalyas olimpikas, dos de oro (una en fluret individual i una en flurete por taifas), tres de plata (todas en flurete por taifas) i dos de bronse (una en fluret individual i una en fluret por taifas).[3] En los Djuegos Olimpikos de 1960 en Roma de edad de 23 anyos, aresivio la su prima medalya de plata por taifas en flurete.[8] En los Djuegos Olimpikos de 1964 en Tokio de edad de 27 anyos, aresivio la medalya de oro en flurete individual i por taifas de mujeres.[8][9] En los Djuegos Olimpikos de 1968 en la Sivdad de meksiko, de edd de 31 anyos, gano la medalya de bronse en fluret individual, i la demadlya de plata en fluret por taifas de mujeres.[8] En los Djuegos Olimpikos de 1972 en Munih de edad de 35 anyos, aresivio una medlaya de plata por taifas en fluret de mujeres.[8] En los Djuegos Olimpikos de 1976 en Montreal, de edad de 39 anyos, aresivio una medalya de bronse por taifas de fluret de mujeres.[8]
Otros Shampionatos
trocarGano el Shampionato Mundial de fluret para mujeres de la Tresera Edad 1999 i el Evropeo en 1995.[10] Aresivio el onor de ser metida enel Salon Internasional Djudio de la Fama Esportiva.[10] Gano el Shampionato Nasional de Fluret de Madjaristan 5 vezes, i 10 vezes por taifas.
Onores
trocar- Eskrimista del Anyo de Madjaristan (1964, 1968, 1969, 1971, 1972)
- Esportista Onorada de Madjaristan (1969, 1970)
- Anyo de Oro del Kompite Olimpiko Internasional (1995)
- Esportista Sodra del Syeklo (2000)
Atamientos eksternos
trocarReferensias
trocar- ↑ Ildikó Rejtő-Ujlaky-Sági
- ↑ Taylor, Paul. Jews and the Olympic Games: The Clash Between Sport and Politics : with a Complete Review of Jewish Olympic Medallists. Sussex Academic Press. p. 240. ISBN 9781903900888.
- ↑ a b c The Armchair Olympian: How Much Do You Know About Sport's Biggest Competition?
- ↑ Rejtő Ildikó és Wichmann Tamás volt a Gépész vendége. Sonline
- ↑ Előbb kisebbségi érzését, majd a világot mosta le. Index.hu
- ↑ The Incredible Fencer Ujlaky-Rejto Ildiko: The Deaf Olympic Champion
- ↑ a b Seattle's Derrick Coleman: another great deaf sportsperson. The Roar
- ↑ a b c d e f Idikó Újlaky-Rejtő
- ↑ Tokyo 1964: The Success of Hungarian Athletes at Olympics Games Held in the Land of the Rising Sun. Hungary Today
- ↑ a b A LOOK BACK AT OLYMPIC FENCING