Fatma Al-Nabhani
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Fatma Al-Nabhani (arabo: فاطمة النبهاني ; nasida el 20 de Mayo de 1991 en Maskat) es una esportista de tenis de Oman, djuegadora de tenis[1] i la djoegadora de este esporte mas konosida de la rejion del Gulfo Arabo, i la unika mujer.[2] Es konosida por azer parte de las kompetensas vistiendo leggings debasho de la fusta[3]
Kariera esportiva
trocarEl su lugar mas alto en la lista mondiala de djoegadoras de tenis de la WTA es de 362 del mundo, ala kuala arivo el 4 de Oktobre de 2010. En la kateggoria de pares, yego al lugar 238 el 28 de Avril de 2014. Tiene reushitado en 4 turnamentos individualos i sinko de pares enel ITF Tour. El su primer djuego enel tour de la WTA era enel Shampionato de Tenis de Dubai de 2009, djuegando kon la tenista portugeza Magali de Lattre, ma pedrieron kon la taiwaneza Chan Yung-jan i la kineza Sun Tiantian en la primera ronda. Es la shampiyona aktuala del Hammamet Open de la ITF. [4] Aze parte del ekip de Oman en la Kupa Federasion, ande tiene un enrejistro de 9-6.[5]
Djuegos Arabos
trocarEn los Djuegos Arabos de Doha 2011 en Doha, Katar, Al-Nabhani reushito kon la medalya de oro en singles, i medalya de bronse en dobles i en kompetensa de ekip.[6]
Aktivizmo
trocarLa entreprisa de vestidos i artikolos esportivos Nike tiene eskapado un filmo kurto ensima de la su vida komo mujer musulmana, en un esporte komo el tenis, biviendo en una rejion tan konservadora sosyalmente komo Gulfo Arabo, kon el buto de enkorajar otras mansevas arabas i musulmanas para azer esporte. El filmo era kriado por la direktora britanika Poppy De Villeneuve.[7][8]
Atamientos eksternos
trocarReferensias
trocar- ↑ Profil ofisial de la WTA
- ↑ Fatma Al Nabhani: Oman's top female tennis player. Al Jazeera. (en lingua inglesa)
- ↑ Q&A with Omani tennis player Fatma Al Nabhani. Sport 360. (en lingua inglesa)
- ↑ Oman tennis: Fatma Al Nabhani crowned champion in Tunisia. Times of Oman (en lingua inglesa)
- ↑ Fatma AL NABHANI. Kupa Federasion (en lingua inglesa)
- ↑ Pan Arab Games final : Fatma Al Nabhani (Oman) def. Nour Abbes (Tunisia) 6-4 6-4. Tennisforum.net
- ↑ Tennis Pro Fatma Al-Nabhani Tells Her Story in Beautiful New Nike Short
- ↑ fatma al nabhani calls for all arab women to shine in sports. Vice