Estasion de trénos del Ayroporto Ben Gurion

La Estasion de trénos del Ayroporto Ben Gurion (en ivrit תחנת הרכבת נמל התעופה בן גוריון, Tahanat A-Rakévet Nemal A-Te'ufá Ben Gurion) es una estasion de la linea de trénos de la Israel Railways entre Tel Aviv i Modi'in. La estasion esta ubikada en el levelo basho de la Terminal 3 del Ayroporto Internasional Ben Gurion‎, i fue aperturada enel anyo 2004.[1]

La estasion de trénos del Ayroporto Ben Gurion

Servis trocar

El viaje entre el Ayroporto Internasional Ben Gurion‎ i la sivdad de Tel Aviv tadra unos kinze minutos. En la direksiyon kontraria, la linea va desde el ayroporto asta Modi'in. Má de un milyon de personas uzaron esta linea enel anyo 2005.[2] En Ogusto de 2009 la estasion fue uzada por un promedio de 8.600 personas al diya.

Servis a futuro trocar

La estasion va ser endemas una parada regular en la futura linea de alto prestor entre Tel Aviv i Yerushalayim, la kuala se esta fraguando oy endiya. La linea a Modi'in fue aperturada ofisialmente en Avril de 2008, má afilú el enlaso a Yerushalayim fonksionará sólu dempués del anyo 2012.[3] Tambien es faktivel para akeyos trénos ke pasan a traverso de la estasion ke yegen asta la Estasion de trénos de Lod; de fákto, los trénos ke viajan desde Beersheva asta Tel Aviv paraban en la estasion Ben Gurion enel anyo 2007. Ma afilú esto no se esta aziendo endagora i se espera poder sigir ofresiendo este servis dempu's de ke la línea de Lod a Beersheva este amijorada. Al pasar por Lod, tambien puede ser faktivel yegar a otras sivdades komo Rehovot, Ashdod, Ashkelon i afilú a la aktuala estasion de trénos de Estasion de trénos de Malha en la sivdad de Yerushalayim.

Referensias trocar

  1. Ben-Gurion Airport Station. Israel Railways
  2. Natbag Line. Israel Railways
  3. Panacea or pain?. Por Orit Afra, Djurnal The Jerusalem Post

Enlasos eksternos trocar