Los djudios '''Askenazim''' o '''ashkenazis''' (en [[ivrit]], '''אַשְׁכֲּנָזִים'''), es komo se yaman a los djudios ke tienen los sus orijines en la [[Evropa Sentrala]] i [[Evropa Orientala|Oryentala]] —prinsipalmente en [[Almania]], [[Polonia]], [[Fransia]], [[UkraniaUkraina]] i [[Rusia]]; rejion yamada para empesijos del syéklo X por los djudios de la Edad Media "Ashkenaz". Estos djudios dezveloparon kostumbras i leyes partikolares, las kualas les azen diferentes de los otros djudios —los [[sefardim]] i los [[mizrahi]]m, sobre todu— yegando afilu a kriar una lingua propia, el [[idish]], la kuala nasio de la meskla de los lashones [[lingua alemana|almanes]] de las rejiones ande bivian estos djudios kon enfluensia de linguas eslavas i del [[ivrit]]. Antes del [[Olokósto]], los ashkenazim eran mas del 90% de la povlasion djudia mondiala; ma endagora oy endia, la su kantidad relativa esta entre un 70% i un 80%<ref>[http://www.jcpa.org/dje/articles3/sephardic.htm Can Sephardic Judaism be Reconstructed?]. Elazar, Daniel J. Jerusalem Center for Public Affairs.</ref>, i en [[Medinat Yisrael|Israel]] la su kantidad es de un 50%.
