Kazamiento atrasado
Kazamiento atrasado (en ivrit חתונה מאוחרת, Hatuná meuhéret) es un filmo Franko-Yisraeli del anyo 2001, dirijito por Dover Kosashvili i apresenta a los aktores Lior Ashkenazi i Ronit Elkabetz. Munchos de los personajes del filmo son nasidos en Jeorjia i los dialogos son parsialmente en lashon djudeo-jeorjiano i parsialmente en ivrit. La istorya es orijinal del direktor Dover Kosashvili.
Istorya
trocarZaza (Lior Ashkenazi) es un ombre Yisraeli-Jeorjiano de 31 anyos ke ainda no esta kazado, ke es un elevo de la Universita de Tel Aviv en prokura de el su Doktorado en Filosofiya, i la su famiya esta tentando arreglar un kazamyento para el, un shiduh, ariento de la komunita djudeo-jeorjiana. Má eyos no konosen ke el esta teniendo una romansa eshkondida kon Judit, una mujer divorsiada de 34 anyos, ke tiene una ninya de 6 anyos. Kuando los sus padres intervienen violentamente para enteromper la su relasiyon kon eya, Zaza debe elijir entre las tradisiones de la su famiya o el amor.
Personajes prinsipales
trocar- Lior Ashkenazi komo Zaza
- Ronit Elkabetz komo Judit
- Moni Moshonov komo Yasha
- Lili Kosashvili komo Lili
- Aya Steinovitz komo Ilana
- Rosina Kambus komo Magouly
- Simon Chen komo Simon
- Sapir Kugman komo Madona
- Dina Doron komo Luba
- Leonid Kanevsky komo Otary
- Livia Chachmon Ayali komo Margalit
- Eli Turi komo Bessik
- Maria Ovanov komo Lali
Musika del filmo
trocarLa musika del filmo es de Josef Bardanashvili; inklui kansiones folklorikas jeorjianas.
Premieres
trocarEl filmo tuvo la su premiére el 17 de Mayo de 2001.
Premios i nominasiyones
trocarPremios de la Akademia del Sinema Yisraelí (2001)
trocarGanados
- Amijor Filmo
Endemas, el filmo fue la nominasiyon ofisial yisraeli para la 74 Entrega de los Premios Oskar en la kategoriya de Amijor Filmo en Lingua Ekstranjera.
Enlasos Eksternos
trocar
Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.