Birobidjan

Birobidjan ביראָבידזשאַן Биробиджан Paiz Rusia Pozision 48°47′N 132°56′E • Altura 100 m Superfisia n/d Povlasion 78.500 mor. (2006) • Densidad 392,5 ab./km² Jentilisio n/d Alkalde Alexander Ahronovich Vinnikov (Partido de Djustisia i Dezvelopamiento) Pajina web http://birobidzhan.rfn.ru

Birobidjan (en ruso: Биробиджан, en idish: ביראָבידזשאן) es la sivdad kapitala de la Provensiya Otonoma Ebrea, en Rusia. Está ubikada entre los rios Bira i Bidján, los kualos son afluentes del rio Amur. La sivdad se ankontra serka de la frontiera kon la Repuvlika Popular Kina i del Tréno Transiberiano. La sivdad, djunto kon todos los povlados de la Provensiya Otonoma Ebrea, fue fondada basho la orden de Stalin de kriar una repuvlika otonoma djudia ande la relijion seya trokada por los valores del sosyalismo i el komunismo. La sivdad tinía 78.500 abitantes enel anyo 2006. Para estar en Siberia, los visitantes a pueden ver una sivdad sorprendentemente védre. Egziste una endustria lijera en dezvelopamiento.

La plasa prinsipala de la sivdad

Renasimyento djudio

La sivdad bive un renasimyento de la kultura djudia i del idish má intenso ke en kualkera otra sivdad de Rusia. Los teatros en idish empiesaron en la anyada de los 70. La povlasion djudia de la sivdad es de unas 4000 personas , aproksimadamente el 5% de la sivdad. Afilu la enfluensia de la komunita djudia en la sivdad i el resto de la provensiya es grande; el alkalde de la sivdad, es djudio, la kaleja prinsipala, se yama Sholom Aleichem, en omenaje al konosido eskritor djudio en lingua idish. En la sivdad se ankontran dos esnogas, una es la Esnoga de Birobidjan, aperturada enel anyo 2004 i la Esnoga Beit T'shuva, konosida komo la Vieja Esnoga.

Edukasiyon

Egziste la Universita Nasionala Djudia de Birobidjan i el Instituto Pedagojiko de Birobidjan.

Medios de Komunikasiyon

Egzisten katro djurnales en la sivdad:

• Birobidzhaner Shtern, en idish i en idioma ruso
• Di Vokh, en idish
• Birobidzhanskaya Nedelya, en idioma ruso
• Birobidzhanskaya Zvezda, en idioma ruso

Sivdades Ermanas

• Beaverton, Oregon, Estatos Unitos d'Amerika
• Hegang, Kina.
• Niigata, Japon.

Enlasos eksternos

• Birobidjan, de 1929 a 1931 - Album fotografiko, en la Biblioteka del Kongreso de los Estatos Unitos
• Atlas: Birobidjan
• Birobidzhan.rfn.ru
• Govyerno de Birobidjan (oficial)
  • Birobidjan, galeriya fotografika (oficial)
• Birobidjan, la Zion olvidada por Stalin por Jonas Bendiksen (Magnum Photos)

Referensias

• El dokumentalo ¡L'Hayim, Kamarada Stalin!, filmado en 2003, trata sobre la kriasiyon por parte de Stalin de la Provensiya Otonoma Ebrea i el asentamyento de miles de djudios, kon escenas de la istorya de la kriasiyon de la patria djudia i de la sivdad de oy endia, endemas de entrevistas a residentes djudios de la sivdad.