Asma al-Ghul
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Asma al-Ghul (arabi: أسماء الغول, nasida en Rafah, Banda de Gaza, 1982) es una aktivista, djurnalista, feminista sekular palestina, la kuala eskrive para el djurnal Al-Ayyam de la sivdad de Ramalla, espesialmente artikolos ensima de lo ke eya yama "lo abastreado de Fatah i el terrorizmo de Hamas".[1] Hamas tiene defendidos los artikolos de Al-Ghoul en Gaza.[2][3] Al-Ghul es yamada por el djurnal New York Times una "djurnalista konosida por la su posizion en kontro de los abuzos a los diritos umanos en la Banda de Gaza."[4]
Biografiya
trocarAl-Ghul nasio en Rafah, una sivdad de la Banda de Gaza serka de la frontiera kon Ayifto. Kuando era de edad de 18 anyadas, al-Ghul aresivio el premio de Literatura Palestiniana para Mansevos. Enel anyo 2003, se espozo kon un poeta misirli i dechidieron fraguar el su ogar en Dubai. Ma un par de anyadas diskues, se divorsaron, i eya abolto verso Gaza kon el su ijo. En 2006, al-Ghul dechidio no vistir otruna vez el hidjab.[1]
Kariera komo djurnalista
trocarEn 2009, al-Ghul deklaro alos djurnales ke era emprizonada i demandada por Hamas, diskues de andar por una plaj serka del kampo de arifujiados de Al Shati, en Gaza, kon un grup de mansevos i mansevas ke vistian jeans i kamizas sin uzar hidjab. La Associated Press disho ke era la prima vez ke Hamas ograsehava kastigar una mujer por no vistir el hidjab en la kaleja.[5] Al-Ghul disho ke los mansevos eran emprizonados, aharvados i diskues ovligados asinyar deklarasiones en las kualas prometavan ke no ivan andar por la kaleja kon mujeres ke no vistiesen hidjab. Hamas disho ke esto no afito.[5]
En 2010 aresivio el premio Hellman/Hammett de Human Rights Watch, echo para eskritores "ke tienen el koraje de kritikar ala djente enel pueder". Las sus ovras eran tresladadas al inglez, dinamarkez i koreano.[6]
En Fevrero de 2011, al-Ghul era aharvada mintres ke eya raportava un evenemento en solidaritad entre palestinianos i misirlis.[7] En Marso de esta anyada, al-Ghul i otras siete djurnalistas palestinianas eran aharvadas i torturadas por las huersas de segurita de Hamas, kuando reportavan desde las manifestasiones ke demandavan a esta organizasion bushkar un akodro de paz kon Fatah. Diskues, el governo de Hamas disho ke iva prinsipiar una bushkita ensima del evenemento.[8][9]
En 2012, al-Ghul aresivio el Premio al Koraje enel Djurnalismo de la International Women's Media Foundation.[10] Oy endiya, lavora para la Fondasion Samir Kassir, la kuala bushka un djurnalismo libbero.[10]
El 3 de Ogusto de 2014, mueve de los sus parientes eran amatados en un atako de la Huersa Aerea de Israel, en Rafah, al sur de la Banda de Gaza.[11]
En 2016, eya eskrivio un livro endjunto kon Sélim Nassib, L'insoumise de Gaza[12]
Ovras
trocar- L'insoumise de Gaza. ISBN 978-2702155189. Éd. Calmann-Levy. 2016. [12]
Onores i premios
trocar- 2010: Premio Hellman/Hammett de Human Rights Watch[6]
- 2012: Premio al Koraje enel Djurnalismo de la International Women's Media Foundation.[10]
Referensias
trocar- ↑ a b Sorry, Hamas, I'm Wearing Blue Jeans. Mother Jones (en lingua inglesa)
- ↑ Hamas bans Gaza newspaper over satirical cartoon. Reuters (en lingua inglesa)
- ↑ Palestinian daily Al-Ayyam, briefly banned in Gaza, appears again. Haaretz (en lingua inglesa)
- ↑ Briefing on Protest for Palestinian Unity Becomes a Rally Itself. New York Times
- ↑ a b Hamas tries to detain woman walking with man: Attempt raises fears of strict enforcement of Islamic law. MSNBC
- ↑ a b Banned, Censored, Harassed and Jailed. Human Rights Watch
- ↑ CyberDissident Database: Palestinian Territories | Asma Al Ghoul]
- ↑ Gaza cops use ‘beatings, stun guns’ on women reporters. Jerusalem Post
- ↑ Youth and Reconciliation: Tech-savvy women drive Gaza's protest movement. The Daily
- ↑ a b c "Asmaa al-Ghoul aims to keep thorn in Hamas' side". Jerusalem Post
- ↑ Never ask me about peace again. Al-Monitor
- ↑ a b L'INSOUMISE DE GAZA. Éditions Calmann-Lévy
