Asma Agbarieh-Zahalka
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Asma Agbarieh-Zahalka (arabo: اسماء اغبارية زحالقة'; ivrit: אסמא אַגבָּארייה-זחאלקה', nasida en 1974) es una djurnalista israeliana i aktivista politika de siedra ke es la shefa aktuala del partido Organizasion para la Aksion Demokratika (Da'am). Es una de las pokas mujeres israelianas en dirijir un partido politiko.
Biografiya trocar
Agbarieh nasio en una famiya musulmana tradisionala i kresio en Yafo.[1] Kuando era manseva, tenia entereso en apartener al Movimento Islamiko. [2]En 1995, diskues de ambezar en la Universita de Tel Aviv en Literatura Araba, lavoro komo djurnalista para Al-Sabar, la versiyon en arabo de la revista Etgar (Ozadia) publikada por el muevo partido politiko de siedra Da'am. Dechidio apartener al partido en 1996, diskues ke el su padre le defendiera salir de la kaza para evenementos i aktivitades politikos[1] i azer parte de las sus aktivitades sosyalas i politikas, espesialmente enel menester de kazas muevas en la sivdad, la kualidad de la edukasion i los diritos de la mujer.
Kariera politika trocar
Enel anyo 2000, fondo i era la shefa del buro de Yerushalayim Oryentala del Sentro de Suporte a los Lavorantes - 'Ma'an', el kualo suporta akeyos lavorantes ke no apartienen a dinguna organizasion de lavorantes i akeyos ke bushkan lavorar. En 2002, dechidio yevas el buro a El Triangulo, ande lavoro en prodjektos para dar ayudo a los sitizenos en bushka de lavoro i en la edukasion de mansevos.
Era kandidata por el partido Da'am en las votasiones de 2003 i era la primera de la lista del partido en las eleksiones de 2006, 2009 i 2013, ma el partido no tiene aresividos votos abastados para entrar ala Knesset.
En Novembre de 2008 era kandidata para ser la alkaldesa de Tel Aviv-Yafo i aresivir un fotolyo en el Konsejo de la Sivdad.[3] El partido aresivio solamente 0,45% en las votasiones.
Vida privada trocar
Esta espozada kon el aktor arabo-israeliano Musa Zahalka; endjuntos, tienen un ijo nasido en Djenero de 2009, yamado Adam.[2]
Anke kresio en una famiya konservadora, kritika al Islam por modre de los limitos ke tiene en kontro de las mujeres eskritos en la Sharia.[4] Eya dize ke no kreye en El Dio.[5]
Referensias trocar
- ↑ a b Jewish-Arab party makes long-shot election bid. Times of Israel (en lingua inglesa)
- ↑ a b Arab Leader of Workers' Party: Israel Is No Longer State of Jews, but of Wealthy. Haaretz (en lingua inglesa)
- ↑ An Arab Woman Running for Mayor of Tel Aviv. Monthly Review (en lingua inglesa)
- ↑ Arab-Israeli woman a rising voice in the wind. USA Today (en lingua inglesa)
- ↑ Asma and Naftali. Challenge (en lingua inglesa)