Asia Alfasi
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Asia Alfasi (arabo: آسيا الفاسي, nasida el 20 de Avril de 1984) es una artista grafika britanika de orijin Libio espesialisada en comics kon influensa de manga.
Biografiya
trocarAsia nasio en Tripoli, Libia,[1] i eya i la su famiya desharon la sivdad kuando era de edad de 7 anyos, arivando a Eskosia. Oy endia, bive en Birmingham, Reyno Unido.
Los sus desenes mesklan influensias islamikas, libias, britanikas, i japonezas. Era la primera mujer en apartener en la kompetensa de comics Hi8us Midlands Stripsearch[2] kon desenes bazados en la su karikatura Monir.[3]
Kariera
trocarDesde ke eya krio la su primera karikatura profesionalmente enel anyo 2003, Asia tiene publikado dos comics. El primero, "JinNarration",aparesio publikado en Mammoth Book of Best New Manga de 2006[1], una antolojiya de desenes de artistas muevos del Reyno Unido. La su istoria kurta otobiografika, "The non-savvy non-commuter", era amostrada en la Estasion del Metro de Picadilly Circus de Londra, komo parte de Thin Cities, la fiesta del 100 aniversario de la apertura de la estasion.[4] Era amostrado en la estasion desde el 15 de Desiembre de 2006 fina el 31 de Avril de 2007.
La su primera romansa publikada independyentemente, Ewa, va amostrar la vida de una manseva musulmana i la su vida en Libia i Eskosia[5] Va ser echo publiko por Bloomsbury. Endemas, tiene eskapados comics komo "Juha: The Tales of Sheikh Nasruddin", amostrando en comics la vida i echos de Djuha, endemas de "Native Narratives: Libyan folk tales", i "Hijabstrip"[1] tentando fraguar un ponte kulturalo entre la Libia de su chikez, i la Eskosia ande kresio.[6][7]
Diskues de un tiempo ke no izo dingun desen publiko, Asia izo parte en algunos evenementos desde 2009, aparesiendo enel Highlands International Comics Expo, la Hi-Ex, en Inverness, Eskosia[8] i la Bristol International Comic Expo, i la London MCM[9] During this year, Asia attended the CAPTION comics festival in Oxford on 15 and 16 August. She also will be at BICS, the British International Comics Show on 3 and 4 October, and the second London MCM Expo on 24 and 25 October.
Los sus comics aresivieron muncha enfluensia politika durante i diskues de la Primavera Araba. Eya vijitava la su famiya en Tripoli kuando los evenementos i protestas aparesieron enel payis, i dos de los sus tiyos eran metidos en la prizion por estar opozados ala rejima de Muammar Ghaddafi. [1]
References
trocar- ↑ a b c d Asia Alfasi’ ‘Extraordinary Tales’: Bringing Together Libya, Scotland, and Manga. ArabLit.org (en lingua inglesa)
- ↑ Asia Alfasi. D'log (en lingua inglesa)
- ↑ BBC - Birmingham - Features - Manga champ
- ↑ Platform for art - Thin Cities - Asia Alfasi. Transport for London (en lingua inglesa)
- ↑ BBC - Radio 4 Woman's Hour -Asia Alfasi. BBC (en lingua inglesa)
- ↑ Asia Alfasi. Wells Arms Library (en lingua inglesa)
- ↑ Why comics and cartoons are flourishing in the Middle East. Financial Times (en lingua inglesa)
- ↑ Hi-Ex - List of Guests
- ↑ LondonExpo - List of Creators and Exhibitors