Universita de Budapest de Estudios Djudios
La Universita de Budapest de Estudios Djudios (en lingua madjar Országos Rabbiképző – Zsidó Egyetem) o Országos Rabbiképző Intézet / Seminario Teolojiko Djudio – Universita de Estudios Djudios / lingua almana: Landesrabbinerschule in Budapest) es una universita ke se topa en la sivdad de Budapest, Madjaristan. Fue aperturada enel anyo 1877, unas anyadas diskués de ke se kriaran los primeros seminarios para hahamim en Padova, Metz, Paris i Wroclaw. Ainda, es la eskola para hahamim mas antika ainda egzistente del mundo.
Istorya
trocarLos hahamim ortodoksos de Madjaristan dechidieron en kontro de una eskola para hahamim; kon el buto de parar esto, mandaron un grup verso Viena, para avlar kon el emperador Franz Josef de Ostria, ma el emperador kería la eskola i ainda dio parás para el su fraguamyénto, dando a los djudios de Madjaristan las parás ke dieron antes de la Revolusion en Madjaristan de 1848.
El 4 de Oktobre de 1877, fue aperturada la eskola enel Bulevar Nagykörút, kon una karakteristika partikolar, ke era su partajamiento del djudaismo ortodokso i la su definision komo una institusion nasionala de Madjaristan. La eskola kalía promover la asimilasion kulturala de la komunita; los elevos no solo kalían ambezar djudaismo ma endemas akseptar i dezvelopar el nasyonalizmo madjar a traverso de la lingua madjar i la kultura madjar; este movimento es konosido komo Djudaismo Neolog.