Tzitzit
El Tzitzit (en ivrit ציצת o ציצית) es el nombre kon el kualo se yama a las "kuédras" del talit, las kualas sirven de akodramyénto de las mitsvot del Dio.
Orijin
trocarLa mitsva de uzar tzitzit se ankontra en dos pasukim de la Tora:
"Ke agan para eyos tzitzit (flekos, kuédras) sobro de las eskinas de los sus vishtidos, por todas las sus jenerasiyones y pondrán sobro del tzitzit de kada skina, un ilo de azul kolor del syelo. I va ser para ustedes tzitzit, para ke lo vean i se arikódren de todas las mitsvot del Eterno i las agan i no vayan sigir tras de los sus pensamyéntos i tras de los sus oshos, déke tras de eyos ustedes se piédren; para ke arikodren i agan todas las Mis mitsvot i sean santos para kon el su Dio." (Bamidbar 15:38-41)
"Kuedras vas azer para ti i te las vas kolokar en las katro skinas del tu vishtido kon la kuala te kubres." (Debarim 12:12)
Los djudios oy endia uzan sólu tzitzit de kolor naturalo o blanko, déke ya no es posivél obtener la tintura azul la kuala era espesifikada en la mitsva. Esta tintura era obtenida de un molusko de la mar, el kualo no se konose. Alkunos abediguadores en Israel kreen ke ankontraron al molusko, i por tanto, uzan tzitzit de kolor azul. Los djudios karaitas no kreen ke ya sea posivel uzar kualker azul, ansina ke no lo uzan en el su tzitzit.
Nota de la Gemará
trocar- Dize Rabí Shimon bar Yohai:
- "Kuando el ombre se levanta en la manyana i se koloka
- los tfilin i tzitzit, la Shehiná
- se koloka sobro de el i deklara: ‘Tu eres el Mi siervo,
- Israel, a traverso del kualo voy Ser Glorifikado.’"