Taxco de Alarcón

(i) 18° 33′ 23″ N, 99° 36′ 18″ O

Taxco de Alarcón Paiz  Meksiko • Estado Guerrero • Belediye Taxco de Alarcón Pozision 18°32'N, 99°33'O • Altura 1700 m Superfisia n/d Povlasion 52.217 mor. (2010) • Densidad n/d Jentilisio n/d Alkalde n/d Pajina web n/d

Taxco de Alarcón es una sivdad del Estado de Guerrero. Tiene una povlasion de 52 217 avitantes. La sivdad fue fondada por kripto-djudios ke akompanyavan a Hernado Cortés, ayi afinkaron alkunos, otros en Juliantla.

Endagora la mineria ya no es baza prinsipala dela ekonomia dela sivdad, oy endia es el turizmo, ya ke Taxco de Alarcón es una de las sivdades kolonieras del Meksiko muncho paresida a las sivdades dela Espanya medievala, aki ay osteles de alta kategoria i eventos de kultura todo el anyo.

Etimolojia

Taxco, en lingua orijinaria signifika Lugar ande se djoga pelota, el orijen del biervo en lingua nahuatl es tlachtli (pelota) i -co (lugar), deriva de una aglutinasion de dos palavras, kedando ansina komo Tlachco.

La alkunya Alarcón es en onra al eskritor de la Mueva Espanya, Juan Ruíz de Alarcón, uno de los grande eskritores dela literatura en lingua kastilyana.

Istoria

Sivdad de Taxco.

Durante la epoka prekolombina, la povlasión orijinala de Taxco se konsentrava en la lokalidad de Taxco el viejo, ubicada a 12 kms dela primera i era konformada por los nahuas prosedentes del estado de Meksiko afamados komo matlazincas, chontales i tlahuicas trayídos de Cuahnahuac (Cuernavaca) por el rey tlatoani Ahuízotl.

La rejión fue morada por los tlahuicas. Los aztekos la abían invadido denantes de Izcóatl ma fue asta 1445 ke fue designado un governador por el imperio Azteko.

Jeografia

La sivdad es afinkada ensima de muntanyas, no hay planadas, es parte dela Serralada de Taxco, lugar ande los kolonistas espanyoles toparon kon metales apresiados; la sivdad es una sivdad minera ermoza ande salio muncha plata para Espanya.

Ekonomia

Taxco de Alarcón tiene komo ekonomia la minería, la ganaderia, el komersio de mekadurias, ansina el turizmo.

Turizmo

• Alkaldia, fragua onde governa el ajuntamiento o konsesho del belediye de Taxco de Alarcón, es afinkada en Plasa Sentrala Cuautémoc.
• Parrokia de Santa Prisca, antika fragua religioza, endemas un monumento istoriko mas emportante del kazal i un lugar emportante ande se kudia la istoria del rejion, es uno de los templos mas ermozos i galanos de estado de Guerrero, es afinkada en Plasa Sentrala.
• Kapiya Los Nazarenos, antika fragua religioza.

Galeria

• 
  Parrokia de Santa Prisca
• 
  Kaleja de Taxco
• 
  Kapiya de Los Nazarenos
• 
  Monumento de los Nazarenos
• 
  Kaza del Konde de Borda
• 
  Kal de Taxco

Ver endemas

• Guerrero