Ortaköy
Ortaköy es un kazal en el bodre del Bosfor ke apartiene a la sivdad Beşiktaş. La meskita de Ortaköy ez el sembol del lugar. Ay una famoza plasa ke se vende kozas, ez un emportante lugar popular del tiempo de loz otomanos. En su tiempo era un lugar de kampania de los sultanes. Los palasios son famozos kon suz natural ermozuras.
Aya se topa el palasio de Çırağan, el liseo de Kabataş, la universite de Galatasaray i el Hotel Princess. En el merkado de Ortaköy se topa kal, meskita i eglisia. En el sentro de la sivdad ay botikas ke venden kozas de regalos, kafes, restorantes i bares. En el kamino ke seva a la mar ay botikas ke azen gözlemes, i esto ez la espesialidad de Ortaköy.
El problem maz grande de Ortaköy ez el trafiko, i lugar para meter loz otomobiles. Aparte de esto ay unos kuantos Auto-parkes privados, ke loz diaz de Alhad ez yeno de otomobiles, i ez difisil de topar lugar. El puevlo piedre muncho tiempo en loz kaminos a kavza del trafiko. Loz moradores de este lugar estan muy keshodos de esta situasion.
Entre el puevlo ke bive en Ortaköy ay djente ke tienen motosikletas. En la entrada de Ortaköy ay un lugar ke apartiene a eyos nombrado Harley Davidson.
Laz guertas de chay enfrente de la mar ez el lugar maz preferado de todo el puevlo, chikos i grandes.
En Ortaköy ay un klub de spor fondado en el 1930, Se yama Ortaköy Spor Kulübü. La kolor de laz vistimientas es kolorado i blanko.
El simiteryo Cudyo en Ortaköy
trocarEl simiteryo djudio en Ortaköy se topa en Estambol en el kazal Beşiktaş en la maale Balmumcu. Komo es el simiteryo serka de Ortaköy sesta yamando el simiteryo de los djudios de Ortaköy. Este lugar se uza para enterrar los djudios en los lugares ke no se estan uzando. Aya fueron fraguadas i ez apropriado para djente partikular. Por modo de las luvias ke ay den vez en vez, unas kuantas de las tombas trokaron de lugar, o ke se esparesieron. Dainda se uza este simiteryo para enterrar defuntos.