Auschwitz
Oświęcim o Auschwitz (en almán Konzentrationslager Auschwitz-Birkenau, en polonez Oświęcim-Brzezinka) era un komplekso konformado por varios kampos de konsentrasion, de investigasion medika i de eksterminio de prizioneros konstruyido por la rejima de la Almania Nazi dempués de la invasion de Polonia de 1939, durante la Sigunda Gerra Mondiala.
Ubikado unos 43 km al oeste de Krakovia, era el mas grande sentro de eksterminio nazi, ande se kree ke fueron amortadas entre 1,5 i 2,5 milyones de personas, la gran majoita de eyas djudías, endemás de eslavos, prizioneros de gerra, etc,[1] endemas de medyo milyon por hazinura i ámbre.
A la puerta de entrada a uno de los diversos kampos ke konformavan el komplekso (Auschwitz I) se puede meldar en almán la fraza Arbeit macht frei (el lavoro vos va azer libberos) kon la kuala eran resividos al arivar al kampo por las huérsas de las SS ke kudiavan el komplekso durante su periodo de fonksionamyento, desde la su apertura en Mayo de 1940 asta el 27 de Jenero de 1945, kuando el kampo fue echo libbero por la armada sovyetika.
Basho la direksión jenerala de Heinrich Himmler, el ofisial SS Obersturmbannführer Rudolf Höß era el su direktor asta el enverano de 1943, siendo metidos en su lugar Arthur Liebehenschel i Richard Baer. Höß, el kualo fue aferrado por los Aliados, dio testemunyo en los Djuzgos de Nuremberg antes de ser djuzgado i kondenado a murir pendido en 1947 enfrente del krematorio de Auschwitz I. Liebehenschel fue endemas djuzgado por un tribunal polako i amortado en 1948. Baer konsigio fuyir i bivió kon una alkunya falsa en Amburgo, asta ke fue ankontrado i yevado a prizión; se kotó la vida en la prizión antes del empesijo de su djuzgo en 1963.
Komo es uno de los lugares ke amijor apresenta el Olokósto, o Shoá, enel anyo 1979 fue declarado Patrimonio de la Umanidad por la UNESCO.
Referensias
trocar- ↑ Auschwitz. L'Enciclopèdia. Barcelona. Grup Enciclopèdia Catalana
Enlasos eksternos
trocar
- Historia de Auschwitz y guía para su visita (en lingua kastilyana)
- Auschwitz o el Holocausto, Fernando Díaz Villanueva (en lingua kastilyana)
- Auschwitz: las razones de la barbarie. Conferencia de Ferrán Gallego (en lingua kastilyana)
- Museo Auschwitz-Birkenau Muzeyo i Memorial de Auschwitz-Birkenau
- Anna Heilman Anna Heilman, la última sobreviviente del complot para destruir el cramatorio IV de Auschwitz-Birkenau
- Auschwitz Concentration Camp (en lingua inglesa)
- Topografía de la memoria. Memoriales históricos de los campos de concentración nacionalsocialistas 1933-1945 (en lingua kastilyana)
- Dossier Memoria/s de Auschwitz (en lingua kastilyana)
- Artículo sobre el Juicio de Auschwitz de 1947, en Axis Forum History (en lingua inglesa)
Este artikolo es endagora, muy chiko. Muchiguando su kontenido vas ayudar a amijorar la Vikipedya.
Puedes kitar ayudo kon las vikipedyas en otras linguas.