Nikkud
En la ortografiya ebrea, las nikkudot (en ivrit: נְקֻדּוֹת, nekuddot, ivrit tiberyano nəquddôṯ; "puntos"; también se dise נִקּוּד, nikkud, "puntuasyón") es el sistem de sinyos diakríticos ke amostran las vokales enel alefbet ivrit. Durante la Edad Medya, fueron dezvelopados munchos sistems kon el buto de pueder apresentar las vokales del idioma ebreo, ma el mas konosido i ke fue dezvelopado kon mayor reushitá fue el kriado por los masoretas de Tiberias entre los syéklos V i X en la Tyerra de Israel.
En la ortografiya del ivrit moderno, las nikkudot kaji no son uzadas, egzepto en ovras komo diksionarios, poeziya, livros para ninyos, olim hadashim o livros relijiozos. Para azer la lektura mas kolay, se dezvelopó un sistem para eskrivir en ivrit sin uzar nikkudot, yamado en ivrit ktiv malé (כתיב מלא) o literalmente "eskritura kompleta". Ktiv malé fue echo standard en las "Reglas para eskrivir sin uzar nikudot" (כללי הכתיב חסר הניקוד) de la Akademia del Idioma Ebreo enel anyo 1996.[1]