Linguas indoevropeas

Basho el nombre de linguas indoevropeas es konosida la mas grande famiya de linguas del mundo en numero de avladores. La Famiya indoevropea, de la kuala azen parte la majorita de las linguas de Evropa i de Asya del Sud, esta konformada por mas de 150 linguas avladas por unos 3.000 milyones de personas, un 45% de la povlasion mondiala.

     Payises kon la majorita de avlantes de linguas indoevropeas     Payises ande son avladas linguas indoevropeas kon status ofisial

Esta famiya está konformada por las estas sub-famiyas: albaneza, armenia, baltika, selta, eslava, jermanika, gréga, indo-irania (la kuala esta konformada de las linguas indoarias i las linguas iranianas) i italika (las linguas romanikas). A estas famiyas se adisionan dos famiyas ke no egzisten oy: la anatoliana i la tokariana. Desde la sigunda mitad del syéklo XVIII i enel syéklo XIX, la linguístika istórika i la neo-gramatika buskharon guadrar informasion para amostrar ke todas estas linguas azen parte de una sola famiya.

Las ovras eskritas en lingua sanskrita i en grégo (los más antikos de las linguas indoevropeas eksepto la lingua hití) apresentan las formas propias de las linguas indoevropeas, lo kualo amostra ke egzisito una lingua madre. Las relasiones entre la lingua sanskrita, la grégo i la lingua latina eran ambezadas desde empesijos del syeklo XIX.