Semitiko
Semítiko: Segun la Biblia, en relasion kon los desendientes de Sem, ijo primojenito de Noe.
Familia de linguas de Oriente Proksimo i norte de afrika. De esta familia tenemos rejistros eskritos ininterrumpidos desde el 2500 a.EK. hasta el presente lo ke hase de eya la mejor testimoniada istorikamente. Los primeros tekstos semítikos estan eskritos en Akadio (ka. 2500 a.EK., - 1600 a.EK.), Eblaíta (ka. 2400 a.EK.), Ugarítiko (ka. 1400 a.EK. - ka. 1185 a.EK.), Antiguo kanaanita (ka. 1200 a.EK.), ebreo antiko (ka. 1100 a.EK.- 250 d.EK.), Fenisio-Puniko (ka. 1000 a.k.-200 d.EK.) i Arameo antiko (900 a.EK. - 250 d.EK.).
Aunke deskonosemos desde kuando hai puevlos semitas en Oriente Medio, evidensias indirektas sujieren ke puevlos semitas yegaron desde afrika, traverso de Ejipto hasia el 4500 a.k. (aunke la fesha es muy insegura).
Linguas semítikas
trocar
Dentro de la familia se distingen las linguas semítikas orientales, oksidentales i meridionales.
Familia semítika oksidental
trocar
Entre las linguas semítikas oksidentales son espesialmente importantes desde el punto de vista istoriko el fenisio-puniko ekstendido por numerosos enklaves del Mediterraneo i el ebreo por la importansia ke sus tekstos relijiosos tienen para la filolojiya semítika. Otras linguas semítikas importantes istorikamente son las linguas sudarabikas i etíopikas komo el je'ez, lingua ofisial del reino Aksumita kontemporaneo en parte del Imperio Romano i Sudarabiko Epigrafiko (Reino de Saba).
Familia semítika oriental
trocar
En esta familia enkontramos el Akadio i sus dos desendientes: el Antiguo Babilonio i el Asirio, de los ke eksisten tekstos hasta kasi los prinsipios de nuestra era. Estos semitas orientales resibieron la influensia kultural de los sumerios i adaptaron su sistema de eskritura, ke aunke no era espesialemente adekuado para representar todas las konsonantes del akadio, nos proporsiona una importante informasion sovre las vokales (habitualmente no representadas en otras eskrituras semítikas). Otras linguas importantes fueron el arameo, ke en sus diversas variedades fue la lingua dominante en Oriente Medio desde la ultima mitad del primer milenio (kuando se konvirtio en la lingua ofisial del Imperio Persa en su parte oksidental) hasta unos siglos despues de la konkista musulmana, i el arabe klasiko.
