Konfusio

Konfusio (lingua kineza: 孔子, pinyin: kǒngzǐ; Wade-Giles: K'ung-fu-tzu, Maestro Kong) era un pensadero kinezo nasido en la provinsia de Shandong en Kina, se kreye ke un 28 de Septembre de 551 AEK i bivió fina el anyo 479 AEK. Nasió en una famiya kon parás i pueder yevada a menos; en su vida era maestro kon otros i endemas lavorante del governo del estado de Lu, ke se topa aktualmente al nordeste de Kina, en las anyadas basho el pueder de la dinastia Chu. Jeneralmente su nombre en lingua kineza es Kǒngzǐ, tresladado "Maestro Kong", anke munchas vezes es eskrito "Kung Fu Tse". Una variante de este nombre, poko uzada oy endiya, es Kǒng Fūzǐ, de la kuala viene el nombre tradisional en lingua djudeo-espanyola, desde la forma en lingua latina Confucius.

Imaje ke apresenta a Konfusio.