Isaac Aboab da Fonseca
Isaac Aboab da Fonseca, nasió en la sivdád de Castro Daire, Portugal, i murió en 1693 en Amsterdam, Olanda. Fue un haham rabi Sefaradi portugezo.
La edukasion de rabi Fonseca a partir de siete anyos fue echa en Olanda, su maestro era Uriel Costa. Eskrivió sus ovras en Kastilyano i ebreo.
Rabi i eskritor portugezo, es el primero relijiozo de orijin djudia ayegar en Brasil. Isaac Aboab da Fonseca (1605-1693) fue yevado a Olanda kuando chiko, i en esta epoka la Inkizision teniya grande poder en Portugal, i munchas de las famíyas de djudios portugezos se fueron eksulpados. El reyno de Olandez ke era de un movimento katoliko reformado, adoptó a la kavza de resivir a los perseguidos relijiozos de varias partes de la Evropa.
En Brasil
trocarRecife en manos de los olandezes, los grupos ekspulsados son espertados por la oportunidád de kedaren bien kon sus famíyas en la mas rika kolonya portugeza, entonse todos los mezes se ayegavan los djudios a Recife. Kuando los numeros se kedaron grandes aviya menester de un shefe relijiozo enfrente de la keilá, entonse es embiado al Brasil en 1641 el rabi Fonseca, pasando a ser el primero eskritor en ebreo del Muevo Mundo, aziendo tefilot ke kontavan el sufrimiento del pueblo djudio.
En los Estados Unidos
trocarKon la gerra pedrida algunos fuyíron a los Estados Unidos, ansina tambien izó el rabi Fonseca, saliendo de Brasil para los Estados Unidos dande fondaron grande keilá, i una grande povlasion ande se yamava Mueva Amsterdam, oy la sivdád de Mueva York.
De buelta a Evropa
trocarEl rabi se buelta a Amsterdam a enkontrar su famíya. Lavora komo direktor de la akademía relijioza ke aze el Bet Din ke izó el Herem a lo filózofo Baruch Spinoza, en 1656. Eskrivió munchas de sus ovras en ebreo i kastilyano, el era tambien konosido por su alkúnya "San Juan de Luz", murió en Amsterdam, a los 88 anyos.