Holon
| ||||||||||||||||||||||
Holon (en ivrit ‘’חולון’’) es una siudad en el distrito de Tel Aviv en Yisrael. La su superfisie es de 19,2 km². La siudad iva ser fondada enel anyo 1936 dempues de la union de sinko maáles: Shjunat Am, Garin, Agrobank, Kiriat Avoda i Moledet. Holon fue deklarada sivdad enel anyo 1950. La sivdad forma parte del Gush Dan. El Sinyor Rabino Shefe de la sivdad es el Sinyor Rav Avraham Yosef, ijo del Sinyor Rav Ovadia Yosef.
Enel anyo 2005 ivan residir en Holon 180.000 abitantes, la gran mayoria djudios i endemas 346 samaritanos. El kresimyento de la su poblasyon es de 0,1% anual. Es la nueven sivdad má grande del paez por el su numero de abitantes.
Holon tiene 49 skolas (33 primarias i 27 de dosen nivel), 153 ganim de parvulos, un teatro i 105 esnogas. La zona endustrial de Holon es una de las má grandes de Yisrael.
Istoria
trocarEl nombre de la sivdad esta relasionado kon la palabra ebrea "Holot" (חולות) ke signifika "arenas", déke iva ser fondada en unas tyérras ke ivan pareser un desyérto enkubierto de arena. Estas tyérras ivan ser kompradas a empieses de los anyos 30 por Shlomo Garin, oy endia konosido komo el fondador de Holon. Durante los anyos 30, se fraguaron sinko máales barrios i enel anyo 1940 se unieron basho el nombre Holon. Durante la Gerra de Independensia de Yisrael enel anyo 1948, los bairros de Holon ivan ser blanko de atakos de arabos de viyas serkanas, asta ke las huersas de la Hagana tomaron la kolina de Tel Arish, de donde disparaban los arabos, i dempues trokada en un parko en onor a los gerrilyeros djudios. En 1950 Holon iva ser reconocida komo sivdad. El Dr. Hayim Kugel fue el su primer alkalde. Dempues de la su muerte enel anyo 1953, fue nombrado komo alkalde Pinhas Eilon, ke estuvo al frente de la sivdad por 34 anyos. Durante el su governo, la sivdad iva crecer munsho i fueron fraguados bairros muevos. Enel anyo 1954 el antonses presidente de Yisrael Yitzhak Ben-Zvi iva afondar la máale samaritana en la sivdad, a la ke yegaron samaritanos ke venian de Tel Aviv, Ramat Gan i Nablus. Enel anyo 1993 fue elekto komo alkalde Moti Sasson, ke iva contribuir munsho al dezvelopamiento de la sivdad, yenandola kon numerosos parkos, arboles i plantas. Entre los grandes proyektos de la epoca del su gobernó se ankontran: el "Muzeyo de los Ninyos", el Parko Shimon Peres i el centro de butikas de Holon o ‘’Kenion’’.
Las máales
trocar- Agrobank – la máale má sentrika de Holon, fue fraguado en los anyos 30.
- Kiriat Avodá - fondado en los anyos 30.
- Garin - yamado ansina en nombre del fondador de Holon, fue la primera máale de la sivdad, fondada en 1933.
- Shjunat Am - fondada en los anyos 30, esta situado al oryente de Garin.
- Resko – esta ubikado al sud del sentro de la sivdad, i esta dividido en Resko Alef, Resko Bet i Resko Gimmel.
- Tel Giborim (Kolina de Eroes) – esta alrededor de la kolina alrededor Tel Arish, antiko feudo de frankotiradores arabos, ke iva ser liberado por la Hagana. La máale iva ser frguada en los anyos 50, i tiene el dosen parko má grande de la sivdad, ke es un tributo a los kayidos durante la Gerra de Independensya de Yisrael.
- Djessi Koen – una máale fraguada en los anyos 50 para los olim.
- Neve-Arazim - en los anyos 50 era un kampo de resepsyon (maabará) de olim ke ivan venir de payizes arabos. Al empiese era sólu tiendas de kampanya i otras kazas temporales, má dempues se troko en una máale komo kualoskiera otra.
- Neve-Pinhas - esta al lado de Neve-Arazim, fue fondada en 1954 para las famiyas samaritanas.
- Neot-Rahel - fue konstruyida en los anyos 60 en el sud de Holon i tiene un gran sentro de butikas.
- Kiriat Sharet - fue konstruyida en los anyos 70 al sud-oryente de la sivdad. Tiene un conocido parko akuatiko yamado "Yamit 2000", el Muzeyo de los Ninyos i el Parko Peres.
- Kiriat Ben Gurion - una prestijiosa máale fraguada en los anyos 80 y 90.
- Neot Shoshanim.
- Kiriat Rabin – esta ubikada al nord de Kiriat Ben Gurion.
- Kiriat Pinhas Eilon – la máale má mueva de Holon, esta ainda en fase de fraguamiento.
Los alkaldes
trocarNasidos en Holon
trocar- Moshik Afia, kantador de Musika Mizrahi
- David D'Or, nasido komo David Nehaisi, kantador de musika lirika
- David Ben Dayan, djugador del ekipo de futbol Maccabi Netanya
- Ben Sahar, djugador del ekipo de futbol inglezo Portsmouth FC
- Lior Narkis, kantador de Musika Mizrahi
- Eran Kolirin, direktor de sinema