Adolf Hitler
Adolf Hitler (Nasido en Branau, Ostria-Madjaristan, 20 de Avril de 1889 – muerto en Berlin, Almania, 30 de Avril de 1945), era un político almán de orijin ostriano, líder, ideólogo i myémbro orijinal del Partido Nazi (Nationalsozialistische Deutsche Arbeiterpartei — NSDAP) ke establesió una rejima nasionalsozialista en Almania entre los anyos 1933 i 1945, konosido komo el Tresér Reich. Durante estos anyos, fue Kanzilyer Imperial (Reichskanzler) de Jenero de 1933 a Avril de 1945, Shefe de Estado (Führer und Reichskanzler) de 1934 a Avril de 1945 i Komandante Supremo de las huérsas armadas almanas durante la Sigunda Gerra Mondiala de Septembre de 1939 a Avril de 1945.
La su idelolojiya, la kuala kavzó direktamente la Sigunda Gerra Mondiala i el dezvelopamyénto del Olokósto, tinía komo baza una serie de aspektos de tipo visyonario ke no puedia negosiarsen: eliminar a todo el pueblo djudio, kriar un "espasio vital" kon el buto de garantisar el futuro de Almania, la superioridad de la rasa Aria i la gerra eterna komo ley basika de la egzistensia umana[1] .
Referensias
trocar- ↑ Cf. Ian Kershaw, «Hitler y la singularidad del nazismo», en Hitler, los alemanes y la Solución Final, págs. 564-565. (en lingua kastilyana)
Este artikolo es endagora, muy chiko. Muchiguando su kontenido vas ayudar a amijorar la Vikipedya.
Puedes kitar ayudo kon las vikipedyas en otras linguas.