La hamsa (en arabi, خمسة; «sinko») es un siim kon forma de mano, el kualo es uzado enel Medio Oryente en kontro del aynara.

La hamsa en formo de colgante

En alkunos payises es yamada Mano de Fatima, por Fatima az-Zahra, ija de Mahomat, i a vezes ojo de Fatima, deke alkunas versiyones de este siim tienen un ojo. Los djudios, por la su parte, la yaman endemas Mano de Miriam (ermana de Moshe Rabenu i Aaron) o mano sinko). La forma mas komun del siim es la de una mano simetrica: el dedo del korason enel sentro, a sus lados el dedo del aniyo i el indeks, un un poko mas kurtos ke el del korason. Otrunas vezes tienen pintadas el biervo "mazal" o "mazal tov", estreyas de David, ojos i otros siimos para muchiguar el pueder i la ermozura. En las kazas de sefardis se topan hamsas en las puertas o paredes.

Los musulmanos akorruto avlan de una lision entre los sinko dedos de la mano i los sinco pilares del Islam, mientres ke los sjudios azen esto kon los livros de la Tora. De fakto, las interpretasiones wahabis del Islam no akonsejan uzar Hamsas, deke el Koran no aksepta amuletos. Se kreye ke el su orijen esta entre Kartago i Mesopotamia.

Hamsa de metal en una pared, kon un biervo en ivrit, Hai - "Bivo"

Las Hamsas son populares komo amuletos i dekorasiyones en Israel i la djente no las konsidera komo un elemento kon relasion islamika, eksepto el nombre arabo. Entre djudios, es komun topar hamsas, ke son un siim de buen mazal, i se topan munchas kon dibujos de pishkados. Es komun topar hamsas en plakas para la pared, portayaves i aksesorios para las mujeres. Alkunas vezes tienen eskrituradas tefilot komo la Shema Israel, la Birkat abait o la Tefilat aDereh.

Alkunas organisasiones ke ovran por la paz en el Medio Oryente tienen tomada la hamsa komo siim de las asemejansas kulturalas ke egzisten entre musulmanos i djudios.

Atamientos eksternos trocar