Haim Saban
Haim Saban (en ivrit חיים סבן), es un bisnesman de nasionalidad amerikano i yisraeli, el kualo es duenyo de kompanyias en los midios de komunikasiyon i CEO de Saban Capital Group. Es duenyo de una fortuna estimada en 2.5 bilyones de dólares.[1]
Biografiya trocar
Haim Saban nasió en Aleksandriya enel anyo 1944 en el seno de una famiya sefardi, i bivió la su chikés en Ejipto. Kuando empiesó la Gerra de Suez enel anyo 1956, en la kuala Israel gerreo kon Ejipto, la su famiya, ansna komo parte de la komunita djudia del paez, izo la su aliya. En Israel empiesó a azer una karriera komo produktor muzikal, anke este proyekto no fonksionó. Saban dempues se mudo a Paris enel anyo 1975, ande lavoró komo produktor de programas de televizyón para ninyos, endjunto a Jean Chalopin, i ande fondó la entreprisa Saban International Paris. En el anyo 1983 se fue bivir a Los Anjeles, ande establesió la su residensya. En Estatos Unitos d'Amerika fondó endjunto a Shuki Levy la kompanyia Saban Entertainment, la kuala se enkargaba antonses de distribuyir, doblar i prodizir bandas sonoras para las series animadas de la televizyón.[2]
Ya en la anyada de los 90, la su entreprisa empiesó a produzir programas de manera endependyénte. Saban se izo milyonario i empiesó a ser konosido en todo el mundo shukur a la distribusuiyon de programas para ninyos i la adaptasiyon de series japonezas tokusatsu a los gustos amerikanos, komo la konosida Power Rangers. La entreprisa endemas krió i se enkarg;o de produzir VR Troopers, Masked Rider i Big Bad Beetleborgs entre otras.
En la anyada de 2000, Saban empiesó a investir el su dinero en otros midios de komunikasiyon. Enel anyo 1999 konformó una sosyeté kon News Corporation para kriar Fox Kids. Enel anyo 2001 el le kompró a la Walt Disney Company el kanal Fox Family (aktual ABC Family) lo kualo implikó la venta i desaparisiyon de Saban Entertainment a Disney, ansina komo la venta de Fox Kids. Ese mismo anyo, Saban krió el grupo de entreprisas Saban Capital Group. Enel anyo 2003 Saban kompró el Grupo Kirch i el grupo de televizyón alman ProSiebenSat.1.[3] i enel anyo 2006 el su grupo kompró endjunto a Texas Pacific Group, el canal amerikano en lingua kastilyana Univision.[4]
Kuriozidás trocar
- Saban fue produktor de Si la vie est cadeau, kansion kon la kuala Corinne Hermès ganó el Festival de la Kansion de Evrovision 1983 arepresentando a Luksemburgo.[5]
- Saban finansia i dona muncho dinero a las las kampanyas de alkunos politikos amerikanos, komo Bill Clinton, Hillary Clinton i George W. Bush. También apoya la politika eksterior de Israel en relasion al konflikto arabo-yisraeli.[6]
- Está kazado con Cheryl Saban (nasida Chackler) i tiene katro ijos.
Referensias trocar
- ↑ List of billionaires: #261 Haim Saban. Magazin Forbes
- ↑ ¿Quién es Haim Saban?. Djurnal El Universal
- ↑ Mighty Morphin' Haim Saban. Magazin Forbes
- ↑ Univision to Be Acquired by Madison Dearborn Partners, Providence Equity Partners, Texas Pacific Group, Thomas H. Lee Partners and Saban Capital Group for $13.7 Billion.Grupo Saban (en inglez)
- ↑ Biografía de Haim Saban. MusicMe.com
- ↑ You made it big, you jerk!. Djurnal Haaretz