Grace Aguilar
Grace Aguilar (Djunio de 1816 – 16 de Septembre de 1847) era una eskritora ingleza de orijin djudio la kuala eskrivia ensima de la istorya i relijion djudias. Nasio en Londra, en la máale de Hackney, en una famiya de anusim[1]. Hazina desde la su chikés, amostro entereso por ambezar la istorya, espesialmente la istorya djudia.
Eskrivió alkunas poeziyas; en 1842 Spirit of Judaism (Alma del Djudaismo), en defensa de la su fey, i en 1845 The Jewish Faith (La fey djudia) i The Women of Israel (Las mujeres de Israel). Ma afilu es mas konosida por los sus romansos Home Influence (Enfluensia de la kaza; 1847) i A Mother's Recompense (La rekompensa de una madre; 1850). Otras ovras son Magic Wreath (Birra majika) i Vale of Cedars (La valey de los sediros; 1850).
La su hazinura muchiguó enel anyo 1847 i murió ese anyo en Frankfurt.
Referensias trocar
- ↑ His Story/Her Story: Grace Aguilar. Por Renée Levine Melamed. Djurnal Jerusalem Post