Meliya (סיבדאד אותאונומה דא מלייה, en lingua kastilyanaMelilla) es una sivdad autonoma de Espanya ke esta en el norte de Afrika, en la kósta de la Mar Mediterraneo, limitando kon Marroko frente a las kóstas del sud de Andaluziya. Marroko reklama la sivdad, al igual ke lo ase kon Seuta, ke considera partes integrantes del territorio marrokí. El Governo de Espanya nunca a mantenido ninguna negosiasion al respekto ni a ekspresado en ninguna okasion tener intension de aserlo. El nombre lde la sivdad es de orijen arabo, déke la palavra مليلية, Mlilya es la uzada en el lashon dariya del arabo para yamar la sivdad. Los abitantes del Rif de idioma bereber la yaman Mbrich o Tamelilt, ke signifika La Blanka.
Meliya es uno de los dos lugares de Espanya, endemas de Seuta, donde los djudios no fueron persiguidos por la Inkisizion anke munshos djudios emigraron a Amerika Latina o a Yisrael. La komunita djudia es la tresera mas grande de la sivdad, kon unos mil membros. Oy endia se ankontran varias fráguas emportantes para la komunita, komo:
La Esnoga Or Zoruah o de Yamín Benarroch, en la kaleja López Moreno. Una frágua de tres plantas del arkitekto Enrique Nieto, konstruyida enel anyo 1924