Los akontesimientos del 6-7 Septiembre en Turkiya

Los akontesimientos del 6-7 Septiembre en el anyo 1955 empeso emprimero en Estanbol kontra los Gregos ke les izieron munchos danios.

Los akontesimientos

Dez del anyo 1955 el governo del partido libero se enkontro en una situasion ekonomika muy mala i kon una enflasion pujada. El puevlo no apoyo al partido. Aparte de esto la prensa i los estudiantes fueron la kavza de aleshar al puevlo de la partida demokrata, En un raporto de los echos etranjeros de la Almania 15 diyas antes de los akontesimientos el 7 de septiembre 1955 sw desidio a defender al puevlo a salir a la kaye en las sivdades Estanbol, Ankara i Izmir.

El governo de Menderes se komporto muy bueno kon los ke no eran Turkos I el puevlo no estuvo kontente de este komporto.

En el anyo 1955 la gazeta Hurriyet se vendiya mas muncho entre las otras gazetas. En esta gazeta eskrivyeron ke los Gregos de Estanbol izieron kojeta entre eyos para embiyar a los gregos de Kibris pa ayudar a la cheta Enosis. Loz miembros de los echos etranjeros estavan en Londra para avlar por los echos en Kibris, en akeyos diyas uvo rumores ke echaron bomba a la kaza de Ataturk en Salonik en el 6 de Septiembre 1955 se anunsio en la radio. Se supo ke la bomba a la kaza de Ataturk la echo Oktay Engin un studente en la universita de Selanik, i fue akuzado en la gazeta Istabul Expres. El patron de la gazeta ke era partido demokratiko salyo una novedad ke la kaza de Ataturk fue bombarladeyada. La vendidad de la gazeta ke era de 20,000 dospues de la notisia pujo a 290,000. En akeyos diyas salyo una komunita kon el nombre 'Kibris es Turko' I se vendio a todo el puevlo para soslevantarlo.

Kon la partisipasion de la komunita 'Kibris es Turko' se alevantaron munchas sosietas a trayer gente del lugar i de otras sivdades, en la noche del 6 de Septiembre izieron una yagma ke no se tyene visto en la istorya del Cumhuriyet. El primer atako fue en Shisli en una patisori Haylayf. I dospuez el puevlo pujo i empesaron a ir a los kazales ke biviyan Gragos, Ermenis i Judios i kon yerro munchas botikas de Turkos fueron derrokadas i danyadas. En esto todo de danyo ke izieron a las botikas i kazas ke no eran Turkos la polisia no se mesklo, i desho al puevlo ke agan lo ke keren. De antes tomaron los adresos de kazaz i botikas de gregos, i kon ayuda de otomobiles i otobuses se fueron a las kazaz i las botikas. Maz de 5000 kazas fueron derrokadas uvo danyo de miliones de dolares.

En Istanbul la yağma se izo en todos los semtes la mezma forma. Rompieron las vitrinaz de las botikas entraron i se yevaron todo lo ke aviya arientro, rompiron las makinas arazgaron laz ropas. Aparte de esto fueron i a las eglisiyas i a los simiterios. Aparte ke rompieron lo ke aviya en las eglisiyas, kemaron 73 deyas. Los provokadodes ke vinieron de Izmir i de Adapazar en tornanado por la estasion Haydarpasha fueron apanyados kon las kozas ke arovaron. Estas personas fueron trayidos de otras sivdades. 145 de Sivas 116 de Kastamonu i 111 de Erzincan.

Los danyos ke uvo

Asigun la prensa turka fueron matados 11, i asigun la prensa grega 15 personas fueron matadas. Asigun el reportaj de la gazeta sabah ke dyo el Dr Dilek Guven la kavza ke no uvo munchos muertos fue ke les enkomendaron a los Gregos ke no ayga muerte. Uvo 300 kavzos de firidos aparte de esto kavzos de atakos a mujerez komo 400 personas. I a kavza de verguensa no uvo keshidad. 4214 kazaz, 1004 botikas, 73 eglisiyas, un kal, 2 monasteros, 26 eskolas, 5317 edifisioz ke aviya arientro fabrikas oteles barajes fueron atakados. El danyo kosto entre 150 miliones i una miliarda liras turka. El governo demokratiko pago 60 miliardas de kompensasion . Asigun las gazetas disharon ke los kulpantes fueron los gregos ke provokaron a los Turkos. En el 6-7 de septiembre entre los lugares ke se daniaron 59% apartenian a los Gregos el 17% a los Ermenis i el 12% a las Jdudios, a los Turkos i a los Rusoz blankos.

Dospuez

Laz oraz ke empeso los akontesimientos en Estanbol el Primer Ministro era Adnan Menderes, porke no kontrolo el kavzo lo yamaron a Sapanca I se anunsio de no salir a la kaye laz noches. Fueron aprezados 3151 personas i dospuez 5104.

En el 10 de Septiembre 1955 demisiono el ministro de los echos interiores. Aprezaron unos kuantos komunistos i dospuez los desharon liberos. En el 1960 lo aprezaron a Adnan Menderes en Yassiada i lo akuzaron por loz akontesimientos de 6-7 septiembre. Se serro i la komite yamada 'Kibris ez Turka', i al lider yamado Hikmet Bil Lo metieron en prezo. En estando en prezo amenazo al governo diziendo: "o mos deshaz liberos o kontamoz los sekretos ke savemos", I ansina lo desharon libero.

Dospuez de este kavzo milez de Gregos salyeron de la Turkiya, unos kuantos se aresentaron en Mersin i en Tarsus. En el 1925 el puevlo era serka de 100,000 personaz. En el 2006 los gregos de Estanbol abasharon fina 2,500 personaz.

Loz akontesimientos de 6-7 de septiembre kavzo ke los Gregos empesaron a emigrar del pais. Los ke no eran Turkos se sintieron ke el governo no se esta komportando komo a su puevlo, i no estavan en siguridad, i por esto emigraron al etranjero. Loz ke no eran Turkos bivieron en esta tyerra por anyos, i agora fueron ovligados de deshar las kazas i loz bienez. El governo no aksepto a pagar indemnita al puevlo 70,000 liraz.

Un gazetero eskrivyo ke el 6-7 septiembre fue un kavzo de gerra, i se organizo muy bueno. Esto lo dezmentyo Sabri Yirmibeshoglu en un roportaj ke dyo en la televizion en la data 21 de septiembre 2010.