Lishán Didán

Lishán Didán es una lingua aramea djudia, munchas vezes yamada "Muevo Arameo" o "Djudeo-Arameo". Orijinalmente era avlado en la rejion irani de Azerbaijan , en la rejion del lago Urmiye, desde Salmas a Mahabad. La gran majorita de los avlantes de esta lingua biven oy endiya en Israel.

El nombre Lishán Didán sinyifika "la muestra lingua"; la lingua tambien es yamada Lishanán, "lingua muestra'" i Lishanid Nash Didán, 'la lingua de mozotros"'. Komo esto kria un balagán kon los nombres de otros lashones djudios modérnos de la lingua aramea, komo Lishana Deni i Lishanid Noshan, los akademikos jeneralmente uzan un nombre mas espesifiko, komo "Arameo Modérno de los djudios del Azerbaijan Persa". Endemas, para azerlo diferente de otros lashones del Arameo modérno djudio, Lishán Didán es algunas vezes yamado Lakhlokhi (literalmente 'Vos(f)-vos(m)') o Galihalu ('Míyo-vuestro'), amostrando el diferente uzo de las preposiziones i los sufixos nominalos.

Lishán Didán es eskrito uzando el alefbet ebreo. Es mutuamente intelijivle kon la Lingua aramea modérna avlada por los kristyános asirios.

Referensias

• Heinrichs, Wolfhart (ed.) (1990). Studies in Neo-Aramaic. Scholars Press: Atlanta, Georgia. ISBN 1-55540-430-8. (en lingua inglesa)
• Mahir Ünsal Eriş, Kürt Yahudileri - Din, Dil, Tarih. Djudios Kurdos (en turko), Kalan Publishing, Ankara, 2006
• Maclean, Arthur John (1895). Grammar of the dialects of vernacular Syriac: as spoken by the Eastern Syrians of Kurdistan, north-west Persia, and the Plain of Mosul: with notices of the vernacular of the Jews of Azerbaijan and of Zakhu near Mosul. Cambridge University Press, London. (en lingua inglesa)

Atamientos eksternos

• Ethnologue report for Lishán Didán.
• The Nash Didan site (Ivrit)
• Hebrew - Lishan Didan translator.