Lingua uygur
| Uygur 'ئۇيغۇرچە уйғурчә Uyƣurqə Uygurche | |
|---|---|
| Avlado en: | Kazakistan, Kina, Uzbekistan, Almania, Ostralya, Estados Unidos, Afganistan, Tadjikistan, Kirgizstan, Rusia, Turkiya, Mongolia |
| Numero de avlantes: | 7.6 milyones |
| Ránking: | 98 |
| Klasifikasion linguistika: | Altaika |
| Status ofisial | |
| Ofisial en: | Rejion Otonoma de Xinjiang Uygur (Repuvlika Popular de Kina) |
| Kodiches | |
| ISO 639-1 | ug |
| ISO 639-2(B) | uig |
| SIL | UIG |
La lingua uygur es una lingua del grupo tukano de las linguas altaikas i tiene mas de 7 milyones de avlantes en la Rejion Otonoma de Xinjiang Uygur, en Kina, ande es uzada komo lingua ofisiala endjuntamene kon la lingua kineza. Otros 300.000 avlantes biven en Kazakistan, endemás de chikas komunitas en Mongolia i otros payises de Asya Sentrala, ansina komo Ostralya, Estados Unidos, Almania i la Turkiya. Los uygures son uno de los prinsipales grupos étnikos rekonosidos ofisialmente por la Repuvlika Popular de Kina.
Eskritura trocar
Desde el syéklo X, kuando los uygures se izieron musulmanos], la lingua uygur es eskrita en la variante del alefbet arabo uzada por la lingua persa, kon alkunos sinyos diakritikos adisionados kon el buto de apresentar sonetes propios de la lingua uygur. En la anyada de 1970, el governo de la Repuvlika Popular de Kina dechidió ke la eskritura de la lingua ofisiala era kon el alefbet latino. Afilu en la anyada de 1987, se tornó al alefbet arabo tradisional, anke el alefbet latino es ainda uzado para messajes a traverso de la internet y servis de SMS.
Lision kon la lingua uzbeka trocar
La lingua uygur es muy paresida a la lingua uzbeka. De fákto, munchos linguistas konsideran las dos linguas komo lashones de una unika lingua uzbeka-uygur, deke son un 80-90% paresidas. La prinsipal diferensia entre las linguas esta enel alefbet -la lingua uygur es eskrita uzando el alefbet arabo i la lingua uzbeka es eskrita uzando el alefbet siril i ke endemas la lingua uzbeka uza munchos biervos kon orijin ruso.
Lashones de la lingua uygur trocar
Asigun la klasifikasion uzada en la Repuvlika Popular de Kina, la lingua uygur tiene tres lashones prinsipales: El sentral, uzado por unos 4.700.000 avlantes; el hotan, kon 1.150.000; i el lop, kon solo unos 25.000 avlantes, asigún la informasion de Ehtnologue.
