El Al / אל על
Logo de El Al / אל על
Paez Israel
Fundasion 1948
Kodigos
IATA LY
ICAO ELY
Callsign ELAL
Hub Aeroporto Internasional Ben Gurion, Tel Aviv
• Otros Aeroportos n/d
Flota 43
Destinos 48
Aliansa n/d
Presidente Israel "Izzy" Borovich
Klub de viajero frekuente Matmid
Pajina web http://www.elal.co.il

El Al (en ebreo אל על, verso el syelo), es la linea aerea ofisial de Israel. La Aerolinea tiene una red que kubre 48 destinos internasionales, kon bolos a Evropa, Asia, Afrika, los Estados Unidos, Kanada i bolos lokales a Eilat. El su aeroporto prinsipal es el Aeroporto Internasional Ben Gurion (TLV), en Tel Aviv. Enel anyo 2005, la aerolinea tranzporto 3.5 milyones de pasajeiros kon unas ganansias totales de 1,665 bilyones de dolares amerikanos. La aerolinea tiene unos 5.417 empiegados. Toda la su flota de aviones es del fabrikante amerikano Boeing. Komo la linea aerea nasional de Israel, El Al a djugado un rol muy importante en las aksiones umanitarias de reskate de Israel, tranzportando djudios de Etiopia, Yemen i otros payizes donde las sus vidas estan en perikolo. El Al tiene munshos rekords mundiales; uno de eyos es por el mayor numero de pasajeiros tranzportados en un bolo komersial, un rekord establesido por la Operasion Salomon, kuando se trairon los Beta Israel por mor de salvarlos de la gerra sivil enlos anyos 90 [1] . Se le konose a El Al komo la aerolinea mas sigura del mundo, dempues de abortar munshos intentos de sekuestro y atakos terroristas, shukur a a sus protokolos de siguridad muy estriktos.

Boeing 777 de El Al aterrisando en el Aeroporto de Heathrow en Londra

Una Aerolinea Kasher trocar

El Al es la aerolinea eskojida por los pasajeiros djudios relijiosos porke es la unika que solo ofrise komida kasher (superbisada por las autoridades rabinikas de Israel; endemas se puede pedir komida glatt kasher). En los bolos de lunga distansia, en la parte de atras del avion ay un lugar para servisios de arrogamiento para los pasajieros ke deseyen arrogar. El Al no bola en Shabat, a pesar de la karga finansiera que eso signifika, pero ke asigura ke sea la aerolinea eskojida por el merkado haredi; endemas, se estima ke un 20-30% de los pasajeiros son haredim, los kualos volan prinsipalmente de Tel Aviv a las sivdades de Mueva York i Toronto.


Programa de Viajero Frekuente trocar

Matmid es el programa de viajero frekuente de El Al. Fue aperturado enel anyo 2004 dempues de la union de los programas antiryores de El Al en uno sólu. Matmid tiene katro levelos: Matmid, Matmid Silver, Matmid Gold, i Matmid Platinum. Las milyas akumuladas en el programa permiten a los miembros adkirir boletos, amijorar de kategoria la klasa de el su volo, endemas de deskontos en alkileres de otomobiles, estadiyas en oteles i otros produktos i servisios. Tambien se poden uzar para volos kon aerolineas asosiadas, endemas de poder uzarlas para merkar con karta de kredito i noches en oteles asosiados.

Referensias trocar


 
Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.

  Wikimedia Commons alberga kontenido multimedia sovre El Al