Dili
דילי
Escudo de Dili דילי
Paiz Timor Oryentala
Pozision 8°34′N 125°34′E
• Altura 6 m
Superfisia n/d
Povlasion 193.563 mor. (2010)
• Densidad 520,33 ab./km²
Jentilisio n/d
Alkalde n/d
Pajina web n/d


Dili es la sivdad kapitala i la mas emportante de Timor Oryentala. Se topa en la beira norte de la isola.

Istorya trocar

La sivdad fue fondada por los portugezos en 1520 i en 1769 yegó a ser la mueva kapitala de la Timor Portugueza, trokando a Lifau, ke se topa enel aktualo enklave de Oecussi-Ambeno, por pueder ser destruyida por atakos de los olandezos . Durante la Sigunda Gerra Mondiala, Dili era okupaa por los japonezos. El 28 de Noviembre de 1975, Timor Oryentala deklaró la su independensia de Portugal, ma 9 diyas diskués, el 7 de Disiembre, las huérsas indonesias invadieron Dili. El 17 de Djulio de 1976, Indonesia tomo ofisialmente a Timor Oryentala, basho el nombre de Timor Timur, kon Dili komo kapitala.

Enel anyo 1991, los indonesios kavzaron la masakre de Dili, la kuala dio konosensia i apoyo internasional a la kavza por la independensia de Timor Oryentala. El 20 de mayo de 2002, Dili fue echa la kapitala del payis.

Administrasion trocar

La sivdad es la kapitala del Distrito de Dili, del kualo endemas azen parte la isola de Atauro i otras viyas chikas serka de la sivdad de Dili. La sivdad esta dividida en los sub-distritor de Nain Feto, Vera Cruz, Dom Aleixo i Cristo Rei, los kualos se dividen en munchos sucos, kada uno kon un chefe de suco. 18 de estos 26 son konsiderados urbanos. Ainda no egziste una administrasion ofisiala de la sivdad endemas del administrador del distrito, el kualo es desinyado por el governo nasional, ma el governo dechidió enel anyo 2009 trokar el status de los distritos en munisipios, los kualos van tener un alkalde i una asamblea o konsesho[1].

Edukasion trocar

En Dili se topan eskolas komo el Colégio de São José i tres eskolas internasionalas: Eskola Internasional de Dili, Eskola Internasional QSI de Dili i la Eskola Internasionala Maharlika. Endemas, la Universita Nasionala de Timor Oryentala se topa en la sivdad.

Sivdades ermanadas trocar

Dili esta ermanada kon:

Referensias trocar

  1. Council of Ministers Approves Law Proposals on Local Governance

Atamientos eksternos trocar

  Wikimedia Commons alberga kontenido multimedia sovre Dili