Diferensya entre trocamientos de "Hiloni"

El konsepto del [[Zionismo]] Polítiko de oy endia fue fondado kon baza en valores i kreyensias sekulares. El padre del movimento Zionista moderno, [[Theodor Herzl]], era un djudio [[Ostria|ostriako]] asimilado. Anke al prinsipio la mayoria de akeyos imigrando a Tyérra Santa eran [[djudio]]s ortodoksos los kualos imigraron debido la kedushá de la tyérra i el su dezeo de ser entierrados en [[Yerushalayim]], déke egziste la kreyensia ke el [[Mashiah]] va rebivir a akeyos entierrados en [[Yerushalayim]] priméro ke los del resto del mundo, endemás debido a los munchos [[pogrom]]os en [[Europa Oryental]], munchos djudios desharon el paez ande avian nasido para bivir en la Tyérra de Yisrael, kon motivasiyones de sekuritá, libbertá relijioza i huértes afinitás zionistas. Durante la [[Priméra Aliá|priméra ola (1882-1903)]] de la [[aliáaliya]] Zionista, i espesialmente durante la [[Sigunda Aliá]] (1904-1914), la povlasion djudia del [[Emperio Ottomano]], la kuala estava mayormente konformada por djudios sekulares, iva kreser muncho. Estos [[aliá|olim]] fondaron sivdades komo [[Tel Aviv]] i establesieron [[kibbutz]]im, los kualos estaban bazados en las ideas del [[sosialismo]], sin relasiyon alkuna kon el [[djudaismo]] komo relijion o komo kompendio de valores. A medida ke el numero de [[aliáaliya|olim]] iva kresiendo, tambien iva kresiendo la proporsiyon de djudios sekulares. Asta el establesimiento de la [[Medinat Yisrael|mediná]], el numero de djudios relijiozos era relativamente chiko.