El '''Djudeo-katalan''', endemas yamado '''katalániko''' o '''katalanit''', en [[ivrit]] '''קאטאלנית''', era una [[Linguas djudeo-romansesromansas|lingua djudeo-romanseromansa]] avlada por las komunitas [[pueblo djudio|djudias]] del nordeste de [[Espanya]], espesialmente de [[Katalunya]] i de las [[Isolas Baleares]]. Desde un punto de vista linguistiko, tinía muncho en komun kon el antiko lashon de [[Provensa]] yamado [[djudeo-provenzal|shuadit]], anke desde un punto de vista istóriko, étniko i polítiko, la komunita djudia avlante del [[lingua katalana|katalan]] era diferente kon respekto a la komunida avlante de shuadit, espesialmente por moder de la okupasiyon [[islam|musulmana]] de la [[Peninsola Iberika]]. La époka grande del djudeo-katalan fueron los anyos entre los empesijos del syéklo XII i 1492, kuando los djudios fueron [[Edikto de Granada|ekspulsados]] de [[Espanya]] dempues del [[Edikto de Granada|dekreto]] de los [[Reyes Katolikos]].
