Diferensya entre trocamientos de "Carole King"

No hay cambio en el tamaño ,  hace 1 mes
Carole King nasio el 9 de [[Fevrero]] de 1942 en [[Manhattan]], una maale de la sivdad de [[Mueva York]], ma kresio en [[Brooklyn]], en una famiya djudia. El su padre, Sidney N. Klein, era pompero i la su madre, Eugenia Cammer, era maestra de eskola. Era yevada por la su madre a lisiones de musika desde ke era de edad de 4 anyos; esta anyada, los sus padres deskuvriron ke tenia un tono absoluto,<ref>[https://achievement.org/achiever/carole-king/#interview Carole King]. American Academy of Achievement.</ref> kon el kualo puedo yamar una nota musikala kuando la eskuchava.<ref>King, Carole. [https://books.google.co.il/books?id=14ydMfF202oC&pg=PT16&redir_esc=y#v=onepage&q&f=false A Natural Woman]. Grand Central Publishing. ISBN 9781405516723.</ref> Komo era muy chika para alkansar el piano kon el kualo prinsipio tanyer, la su madre la asentava enriva de una [[gia de telefon]]. Endemas de las lisiones de musika, ambezo kantar kuando ambezava enel lise James Madison de Mueva York, konformo parte del grup de bozes yamado ''The Co-Sines'', troko el su nombre por '''Carole King''' i prinsipio enrejistrar klips de demostrasyon kon el su amigo [[Paul Simon]] pagando 25 [[dolar]]es por enrejistrasion. La su prima kantika ofisiala era "The Right Girl", apresentada or ABC-Paramount en 1958 kuando eya eskrivio la kantika i la kanto aranjada por Don Costa.
 
Ambezo enel [[Queens College]], ande konosio a Gerry Goffin, kon el kualo se espozo de edad de 17 anyos en un kazamiento djudio en [[Long Island]] en Ogusto de 1959, kon el kualo iva tener las sus ijas, Louise i Sherry. Desharon el kolej i bushkaron lavoroLlavoro; Goffin komo adjudante kimiko i King lavorava komo sekreter. En las nochadas, eskrivian kantikas endjuntamente.
 
===Kariera===