'''Semítiko:''' Segun la [[Biblia]], en relasion kon los desendientes de [[Sem]], ijo primojenito de [[Noe]].
Familia de linguas de [[Oriente Proksimo]] i norte de [[afrika]]. De esta familia tenemos rejistros eskritos ininterrumpidos desde el 2500 a.kEK. hasta el presente lo ke hase de eya la mejor testimoniada istorikamente, (komparese estos 4500 anyos de rejistros kon los alguna koza mas de 3500 anyos de tekstos en [[linguas shinas]], los 3400 anyos de tekstos griegos –los primeros eskritos en Lineal B i los ultimos en griego moderno–, o los 3200 anyos ke median entre las primeras inskripsiones en Ejipsio Antiguo i los ultimos tekstos en koptiko). Los primeros tekstos semítikos estan eskritos en Akadio (ka. 2500 a.kEK., - 1600 a.kEK.), Eblaíta (ka. 2400 a.kEK.), Ugarítiko (ka. 1400 a.kEK. - ka. 1185 a.kEK.), Antiguo kanaanita (ka. 1200 a.kEK.), ebreo antiko (ka. 1100 a.kEK.- 250 d.kEK.), Fenisio-Puniko (ka. 1000 a.k.-200 d.kEK.) i Arameo antiko (900 a.kEK. - 250 d.kEK.).
Aunke deskonosemos desde kuando hai puevlos semitas en Oriente Medio, evidensias indirektas sujieren ke puevlos semitas yegaron desde afrika, a traves de Ejipto hasia el 4500 a.k. (aunke la fesha es muy insegura).
