Eliezer Melamed
Eliezer Melamed (en ivrit אליעזר מלמד) (nasyó el 28 de junio de 1961) i es un rabino ortodokso sionista israelí i el rosh yeshiva de Yeshivat Har Bracha, rabino de la komunita de Har Bracha, i autor del syeriko de livros Pniné Halakha.
Biyografía trocar
Eliezer Melamed es el fijo del rabino Zalman Baruch Melamed, estudyante del rabino Zvi Yehuda Kook. El nombre de Eliezer vino de un sueño ke Kook tuvo cuando el nasío. Melamed estudyó kon Kook de la edad de 15 a 20 anyos, i, komo su padre, konsidera a Kook komo su rabino mas importante. Melamed está kazado kon Inbal, fija del artista Tuvia Katz, i tienen 13 fijos.
Karrera rabinika i ensenyansa trocar
Melamed ensenyó el Talmud i la Halajá en el Kollel del rabino Deutsch en Mea Shearim durante 6 mezes. El Kollel lo dirigía el rabino Yitzchak Ginsburg, lo kual le dió la oportunidad a Melamed de estudyar en pares kon Ginsburg i de oyir munchas de sus klases. Después, ensenyó el Talmud i Emuna (filosofía djudaika) en la yeshiva de Bet El durante 20 anyos aproksimadamente, i 4 anyos en la yeshiva de Kedumim. Melamed editó una mueva edisyón del livro Shnei Luchot HaBrit (el Shelah) de Isaiah Horowitz, i los dos primeros volúmenes de la mueva edisyón de los livros del rabino Zadok HaKohen de Lublin, i partisipó en kompletar la syeriko entera.
En agosto de 1988, Melamed fue nombrado rabino de la komunita de la kolonya Har Bracha.
En setiembre de 1992, Melamed establesyó la yeshiva Har Bracha.
En julio de 2013, resivió el "Premio de la Kreasyón Djudaika" por su syeriko de livros Pniné Halakha, i en noviembre de 2020, el "Premio del Rabino Kook" por esta syeriko.
Obras publikadas trocar
Pniné Halakha es una syeriko de livros sovre temas halájikos, eskritos por Melamed, ke kuvren temas komo las leyes de Shabat i la perspektiva djudaika sobre donasyones de órganos. Aparte de estableser la ley práktika sovre la kuestión, estos livros diskuten los fundamentos espirituales de las halajot, i reflejan tambien las diversas kostumbres de las diferentes komunidades. Eskritos en hebreo, la syeriko de livros se vendió en mas de 500,000 kopias. Fueron publikados 20 livros en hebreo, de los kuales 9 fueron traduzidos al inglés, 10 al franses, 9 al espanyol, i 10 al ruso. Los livros ganaron popularidá rapidamente en la komunita sionista relijyosa en Israel.
Opiniones i puntos de vista trocar
El rabino Melamed promove un diálogo direkto i avierto kon todas las fasetas del judaísmo i kree ke a pesar de las divergensias de opiniones, no se deve ekscluir a nadi por sus opiniones o kreensias. Su topada kon Delphine Horvilleur condujo a llamamientos al boikot kontra él i a la kolera de rabinos israelís kontra sus opiniones i sus livros.