El pensador
El pensador (fransez: Le Penseur) es una de las mas konosidas eskulturas en bronse de Auguste Rodin. Orijinalmente yamada El poeta, era parte de una komision del Muzeyo de las Artes Dekorativas de Paris kon el buto de kriar un monumental portal bazado en la Divina komedia de Dante. Kada una de las estatuas apresentava a uno de los personajes prinsipalos del poema lisionado. El pensador, orijinalmente, buskava apresentar a Dante frente a Las Puertas del Ginnam (como yamo, ansina, al portal del kual iva azer parte), ponderando el su grande poema. La eskultura es un desnudo, ya ke Rodin dezeyava una figura al estil de Michelangelo para apresentar tanto el pensar komo la poeziya.
Rodin izo un primer modelo de la eskultura en yeso en 1880. La primera eskultura a grande eskala se eskapo en 1902, anke no fue apresentada asta 1904.
Egzisten mas de veinte versiyones de la eskultura en diferentes muzeyos alderedor del 'olam. Alkunas son versiyones engrandesidas del orijinal; otras, de diferentes tamanyos.
Atamientos eksternos
trocar
- El pensador, Musée Rodin, Paris.
- Prodjekto El pensador, Munich.
- Comentario de El Pensador.