Amir Benayoun

Amir Benayoun (en ivrit: עמיר בניון) (nasido el 30 de Ogusto de 1975) es un kantadero yisraeliano.

Amir Benayoun

Biografiya

Mansevez i empesijos de su karriera

Amir Benayoun nasió en Be'er Sheva a Maxim i Esther Benayoun, de orijin arjeliano. El su padre, Maxim Benayoun, era un konosido tanyedor de Ut. Desde chiko amostró entereso en la muzika, tanyendo kon el su padre i su ermano. Mientres ke eskrivía kantikas, lavorava en las kazas. Diskués de ser askeptado para azer la Tsavá, fue kitado por tener lisiones kon drogas, por lo ke izo un programa de kura de drogas.

Enel anyo 1999, Benayoun apresentó el su primer album, "Rak At" (Solo tu), el kualo vendió 40.000 kopias. Diskués de este, amostró el sigundo album i enel anyo 2002 el treséro, "Shalechet" (Otonyo), el kualo yegó a tener muncha reushitá, aziendo a Benayoun uno de los kantaderos mas emportantes en la muzika yisraeliana.

Premios i lavoros kon otros kantaderos

Endemas, tiene eskritas kantikas para otros kantaderos, komo Gidi Gov i Gali Atari.

Enel anyo 2006, Benayoun resivió el premio Akum por la su kantika, "Nitzaht Iti akol", ma no akseptó i dechidió darlo komo sedaká.

Enel anyo 2011, Benayoun krió un album en arabo yamado "Zini" para suportar al puevlo en Suriya, kon kantikas bazadas enel livro de Koelet.

Diskografiya

Albums

• Rak At (רק את - Solo tu) 1999
• Oto Makom, Ota Aruah (אותו מקום אותה הרוח - Mizmo lugar, mizma alma) 1999
• Shalehet (שלכת - Otonyo) 2002
• Nizaht Iti Hakol (ניצחת איתי הכל - Ganaste todo kon mi) 2004
• Akol Ad Lekan (הכל עד לכאן - Todo fino akí) 2006
• Aluf Beshahor (אלוף בשחור - Ganador en Preto) 2007
• Omed Basha'ar (עומד בשער - Alevantado en la puerta) 2008
• Mahshavot - kon Yehuda Masas (מחשבות - Penserios) 2010
• Lada'at Akol (לדעת הכל - Konoser todo) 2010
• Zini (en Arabo) 2011
• Etz Al May'im (עץ על מים - Arvole enel agua) 2012

Kompilasiones

• Sha'a Shel Or (שעה של אור - Ora de la luz) 2009

Mini Albums

• Amiklat (המקלט - El Avrígo) 2011

Atamientos Eksternos

• Ensima de Amir Benayoun en la oja web de su kompanyia de diskos, "Nevel Asor" (en Ivrit)