Rashi es el akronimo en ivrit de רבי שלמה יצחקי (Rabí Shlomo Yitshaki), o רבי שלמה ירחי (Rabí Shlomo Yarhi). Nasió en Troyes, Fransia (1040-1105), afilu alkunas personas dizen ke nasio en Worms, Almania[1]. Se dize ke el su padre era desendiente de David Ameleh. Rashi está konsiderado komo el amijor i mas grande komentador de la Tora i el Talmud; uno de los mas grandes poskim, un eksperto en la lingua ebrea i uno de los mas grandes hahamim del puevlo djudio.

Portreto de Rashi

Vida trocar

Rashi tuvo su kazamyento kuando era djoven i dempues bivió en las sivdades de Worms i Magunsia, en la kuala bivio ochu anyos en yeshivot emportantes de Almania. El su konosimyento de las ovras relijiozas djudias en ivrit i en lingua aramea se amijoró muncho shukur a las ovras ke konsigió en lingua fransesa i almana. Kuando tinía 25 anyos tornó a Troyes, ande empiesó la su karriera komo maestro i komo eskritor. Pko tiempo dempues aperturo la su propia eskola, en la kuala sienes de elevos resivieron edukasión i konosimyentos de Tora. Los sus ultimos anyos los bivió kon difikultad, deke durante la Primera Krusada (1095-96) muncha djente de su famiya i amigos fue amortada. En este tyempo trokó el Bet Amidrash a la sivdad de Worms, ande murió.

Famiya trocar

Rashi no tuvo ijos, ma las sus tres ijas, Miriam, Yoheved i Rahel, se kazaron kon hahamim; los sus tres yernos, los hahamim Yehuda ben Natan, Eliezer ben Shemia i Meir ben Shmuel, i espesialmente sus inyetos (Shmuel, Yehuda i Yaakov) fueron los primeros de toda una suksesion de "tosafistas" (komentadores de las eksplikasiones de Rashi al Talmud), los kualos estaban muy identifikados con la ovra i la metodolojiya del gran Maestro[2].

 
Bet Amidrash de Rashi en Worms

Ovra trocar

Rashi izo munchos komentarios sovre la Tora i el Talmud a traverso de un analisis kudiadozo de los tekstos reljiozos djudios. Las sus primeras ovras estan bazadas en los prinsipios gramatikos de las ovras en ivrit de los eskritores Djudeo-espanyoles. Uzo ekspresiones simples i direktas en lingua fransesa[3] o almana (i alkunas vezes asta desenos i grafikos) para eksplikar las situasiones mas kompleksas. Los sus konosimyentos reljiozos i sekulares izieron mas rikos los estudios de la Tora i el Talmud de las djenerasiones sigientes i afilu asta muestros diyas.


Referensias trocar

  1. Rashi. Sitio web en kastilyano de Habad.
  2. Rashi: El exégeta judío de todos los tiempos. DeLaCole.com
  3. Rashi. MyJewishLearning.com


 
Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.