Memorial de las Viktimas de Atakos Terroristas (Har Herzl)

El Memorial de las Viktimas de Atakos Terroristas (ivrit: אנדרטת חללי פעולות האיבה, Andartat Alalei Pe'ulot Aeiva) es un monumento ke se topa enel Monte Herzl en Yerushalayim en onor de akeyos amortados por el terrorizmo desde 1851, antes de la independensia del payis i fina muestros diyas. El monumento fue kriado enel anyo 1998, i el Diya de Akodramiento de los Saoldados Kayidos fue yamado ofisialmente el Diya de Akodramiento de los Soldados kayidos i las Viktimas del Terrorizmo. El monumento fue desinyado por los arkitektos Moshe i Rita Oren, i fraguado por el Instituto Nasional de Seguros (Seguridad Sosyala) de Yisrael y el Ministerio de Defensa (Yisrael), endjuntamente kon la Asosiasion de Viktimas yisraelianas del Terrorizmo. El monumento fue desinyado kon el buto de azer de sembol de la resistansia de los djudios en Eretz Akodesh en kontro de akeyos ke tentan kitar la su egzistensya. En las sus paredes se meldan los nombres de todas las viktimas, djudios i goyim.

Referensias trocar

  Wikimedia Commons alberga kontenido multimedia sovre Memorial de las Viktimas de Atakos Terroristas (Har Herzl)

Atamientos eksternos trocar