Masakre de Hodyali
Basho el nombre de masakre de Xocalı (Hodyali) es yamado el amortamiento [1] de sientos de sitizenos azerbaidjanos[2] en la sivdad de Xocalı en Nagorno Karabah, Azerbaidjan el 25 y 26 de Fevrero de 1992 durante la gerra de Nagorno Karabah por parte de las huérsas armadas de Armenia i Rusia.
Asigun versiyon del azeri i de observadores internasionales komo Human Rights Watch i Memorial[3][4] la masakre la kometieron las huérsas armadas armenias, kon ayudo del Korpo de fusileros motorizados 366 de la Armada Rusa, aktuando aparentemente sin ordenes del su komando.[5][6] Las autoridades azerbaidjanas kuentaron 613 sitizenos amortados, inkluyendo 108 mujeres i 83 ninyos.[7] Este amortamiento paso a ser el mayor durante la gerra de Nagorno Karabah.[8]
Konteksto trocar
En 1988 la sivdad tenia aproksimadamente 2.000 avitantes. Por módre de la gerra i los trokamientos de povlasion entre Armenia i Azerbaidjan, ansi komo los arefujiados Ahiska ke deshavan Asya Sentrala i se asentaban en el lugar, la povlasion yegó a ser de 6.000 personas para 1991.
La sivdad de Xocalı esta topada ensima del kamino ke konekta Khankendi i Agdam, i tiene el uniko ayroporto de la rejion. De akódro kon los informes de Human Rights Watch, la sivdad fue uzada komo baza para las huérsas azerianas ke atakaban la sivdad de Khankendi, las kualas a la su vez eran atakadas por los armenios.[9]
Durante la gerra de Nagorno Karabah tanto armenios komo azeries fueron objekto de limpiezas etnikas i pogromos, lo ke kavzó munchos amortamientos i el desplazamiento de grandes grupos de personas.[10]
En Oktubre de 1991 las huészas de defensa de Nagorno-Karabah kortaron la ruta entre Xocalı i Agdam, kon lo ke la unika forma de yegar a la sivdad era uzando un helikopter. La sivdad fue defendida por huérsas de la OMON basho el komando de Alif Hadyiev, el kualo kontaba kon unos 160 ombres kon pokas armas.[10] La sivdad mankava desde varios meses antes del atako de elektrisidad o gas.[11]
La masakre trocar
Asigun Human Rights Watch el amortamiento akontesio kuando «una gran kolumna de residentes, akompanyada de una dozena de gerreros en retirada, deshó la sivdad al kaer las huérsas armenias. Al aserkarse a la frontiera kon Azerbaidjan, se toparon un puesto militar armenio, el kualo les disparo kruelmente».[12]
El bando armenio sostiene ke las muertes okurrieron komo resultado de operasiones militares de gerra, i se produjeron en parte al prevenir la evakuasion de los avitantes de la sivdad por huérsas azerianas. Ofisiales del govierno armenio aseguran ke el numero de viktimas tan grande es por modre del fakto de ke los avitantes de Xocalı se mesklaron kon las tropas azerianas en aretirada, i kuando las huérsas armenias echaron huégo, mataron a soldados i siviles por igual.
Helsinki Watch por su parte, konkluyo ke «la milisya, ainda en uniforme i algunos ainda armados, se mesklaron kon las masas de siviles».[13]
Ma Human Rights Watch i Memorial kreyen estas eksplikasiones poko konvinsentes, deke el amortamiento masivo de siviles no puede ser djustifikado basho dinguna sirkunstansia. Human Rights Watch amostra ke el bando atakante (las huérsas armenias) se enkontraban obligadas a tomar medidas de prekausion para evitar o minimizar las vikitimas siviles. En espesial, el bando atakante kalía detener el huégo si resultaba evidente ke iva kavzar danyos "kolaterales" eksesivos en liasion kon la advantaja militar a obtener.[14]
Galeriya de imajes trocar
Referensias trocar
- ↑ Black garden: Armenia and Azerbaijan through peace and war, Thomas de Waal (en lingua inglesa)
- ↑ Hot spot: North America and Europe, Joseph Russell (en lingua inglesa)
- ↑ New York Times - Massacre by Armenians Being Reported (en lingua inglesa)
- ↑ TIME Magazine - Tragedy Massacre in Khojaly(en lingua inglesa)
- ↑ Small Nations and Great Powers: A Study of Ethnopolitical Conflict in the Caucasus By Svante E. Cornell (en lingua inglesa)
- ↑ Bloodshed in the Caucasus: escalation of the armed conflict in Nagorno Karabakh, vol. 1245 of Human rights documents, Human Rights Watch, 1992, p. 24 (en lingua inglesa)
- ↑ Letter from the Charge d'affaires a.i. of the Permanent Mission of Azerbaijan to the United Nations Office (en lingua inglesa)
- ↑ Human Rights Watch / Helsinki Azerbaijan. Seven Years of Conflict in Nagorno-Karabakh. New York • Washington • Los Angeles • London • Brussels: 1994, p. 6. ISBN 1-56432-142-8 (en lingua inglesa)
- ↑ Human Rights Watch. Bloodshed in the Caucasus: Escalation of the Armed Conflict in Nagorno Karabakh. ISBN 1-56432-081-2 (en lingua inglesa)
- ↑ a b Thomas De Waal. Black Garden: Armenia and Azerbaijan through Peace and War, NYU Press, 2004. ISBN 0-8147-1945-7. (en lingua inglesa)
- ↑ Hugh Pope, "Sons of the conquerors: the rise of the Turkic world", New York: The Overlook Press, 2006, p. 59, ISBN 1-58567-804-X (en lingua inglesa)
- ↑ Human Rights Watch World Report 1993 - The Former Soviet Union. (en lingua inglesa)
- ↑ Helsinki Watch. "Bloodshed in the Caucasus: Escalation of the Armed Conflict in Nagorno-Karabakh" New York, September 1992 p. 21 (en lingua inglesa)
- ↑ Letter to the Minister of Foreign Affairs of Armenia from the Executive Director of Human Rights Watch, March 24, 1997 (en lingua inglesa)
