Gad Elbaz
Gad Elbaz (en ivrit גד אלבז) es un konosido kantadero haredi yisraeli de orijin sefardi.[1] El es amijor konosido por el su égzito # 1, "Alaila Ze Azman" (Esta noche es el momento), i por ser el ijo del kantante de Musika Mizrahi Benny Elbaz.
Biografiya trocar
El empesijo de la karriera musikala de Gad fue a la edad de 4 anyos. El su primer dueto fue kon el su padre, el kualo a la su vez era un kantadero famoso de Musika Mizrahi, kuando kantaron endjuntos quien a su vez era un cantante de renombre Mizrahi, cuando cantaron "Aba, Otha Ani Oev" (Padre, A ti te Kero). Kuando tinía 7 anyos, la famiya de Gad se izo observante. La kansión de la priméra i más famosa eskrita por el su padre, i kantada por eyos dos dempués de ke se trokaron en haredim, fue "Lo Kashe Lahzor B'Tshuva" (no es zor aboltar en tshuvá). La kantika fue un égzito instantáneo, i tokó las vidas de miles de famiyas no-observantes yisraelis.
Kuando Gad tinía 20 anyos, konosió a la su futura esposa, yamada Moran, la kuala endemas era una fan de el. Eyos tienen dos ijos endjuntos.
Karriera profesionala trocar
Kuando ninyo, gravó katro diskos kon el su padre, i más adelántre, sinko más komo solista. El tinía 16 anyos kuando se lansó el primér su eshuérso komo solista, yamado "Luz al final del túnel". Enel anyo 2005, lansó "משמעויות" (Signifikados), el kualo vendió kaji 100.000 kopias sólu en Israel. La su musika, kon kantikas de ritmo pop misturado kon sonetes oryentales i letras relijiozas, atrae al puvliko, tanto el relijiozo, komo el tradisional i el hiloni. Enel anyo 2006, lansó un muevo álbum, yamado "Kimat Shaket" (כמעת שקט, kaji silensioso) i un muevo disko yamado "Bein Atipot" (entre las gotas), fue lansado enel anyo 2008, ko-produzido por Ruddy Pérez, el kualo tiene eskritas kansiones para Christina Aguilera [2]. Una de las kantikas de este disko, "Olam shel Yeladim" (Un mundo para los ninyos), se ha trokado en un grande égzito.
El 26 de Ogusto de 2008, Gad ofrese un grande konsierto enel anfiteatro romano de Kesariya, Israel. Este konsierto fue transmitido por el kanal de músika yisraeli Music 24. Gad fue endemas el primér kantadero haredi en azer un konsierto en Kesariya [3]. Gad kanto enel konsierto kantikas gravadas kon kantaderos komo Harel Moyal, Shlomi Shabbat, i Benny Elbaz, kantikas klasikas komo "Kol Ahayalim Hozirim La'baita" (todos los soldados estan aboltando a kaza). El konsierto fue un égzito, i dempues salio a la venta DVD endjunto a un CD enel anyo 2009. Endagora Gad Elbaz tiene presentasiones en Estatos Unitos, Fransia, Ostralya, Suisa, Kanada i Israel.
Aspektos relijiozos trocar
En una entrevista kon Jewish Music Insider, Gad Elbaz mensiona el su buto de mantener biva la fe del puevlo a traverso de la su musika [4]. El su objektivo es unir a la djente i kriar la unidad a traverso de la músika. Él kanta endjunto a músikos no relijiozos de Israel komo los kantaderos de Musika Mizrahi Lidor Yosefi, Shlomi Shabat i el rapero Alon DeLoco. La su musika atrae a relijiozos, no relijozos i afilú no-djudios.
Referensias trocar
- ↑ Pop Star Rocks Orthodox Jewish Community. Djurnal The Ledger
- ↑ Gad Elbaz interview. DailyJews.com
- ↑ Haredi Singer Lands Big Gig. Djurnal The Forward
- ↑ A mission from Gad