Los Bnei Menashe ("Ijos de Menashe", en ivrit בני מנשה) son un grupo de má de 9.000 personas de los estados del Nord-Este de la India de Manipur i Mizoram los kualos afirman ke desienden de una de las Tribus pedridas de Yisrael. Esta afirmasiyon aparesió dempues ke un misionero Pentekostal enel anyo 1951 tuvo un esuenyo en el kualo la relijion pre-Kristyana de la su jente era el djudaismo i ke la su tyerra ansestrala era Yisrael. Linguistikamente, los Bnei Menashe son Tibeto-Birmanos i pertenesen a los grupos etnikos Mizo, Kuki i Chin (estos termos son virtualmente ekivalentes)[1]. Eyos son yamados Chin en Birmania. Dependiendo de las sus afiliasiyones, kada tribu deside yamarse Kuki, Mizo, Zomi o Chin, afilú es mas komun para la jente identifikarse kon la su subtribu, kada una de las kualas tiene un dialekto própio.

Bandiera de los Bnei Menashe

Este grupo fue yamado Bnei Menashe por Eliyahu Avichail [2] deke eyos kreen ke el su ansestro lejendario Kuki-Mizo yamado Manmasi[3] es el mismo Menashe, ijo de Yosef.

El 1 de Abril de 2005, el Rabino Shefe Sefardi de Israel, el Sinyor haham Shlomo Amar, akseptó ke los Bnei Menashe sean yamados djudios, bazado en la devosiyon eksemplar de eyos al djudaismo[4]. La su desisiyon es muy emportante déke azer endagora má pishín y kolay ke todos los Bnei Menashe puedan azer la su aliya basho la Ley del Ritorno.


Ver endemas trocar

Referensias trocar

  1. Language in India: Issues in Morphological Analysis of North-East Indian Languages. Vijayanand Kommaluri, R. Subramanian, i Anand Sagar K
  2. The politics of ‘Lost Tribe’
  3. Kuki, Chin, Mizo-Hmar's Israelite Origin; Myth or Reality?. Lal Dena, The Weather Channel
  4. Rabbi backs India's 'lost Jews'.BBC News


 
Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.