Almania

paez del sentro de Evropa
       
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Almaniâ o la Répùblika Fedèral de Almánia (RFA; en alman Bundesrepublik Deutschland, BRD) es un paiz del sentro de Evropa ke forma parte de la Union Evropea. Las sus frontieras son al norte kon la Mar del Nord, Dinamarka i la Mar Baltika; al este kon Polonia i la Repuvlika Cheka; al sud kon Ostria i Suisa; i al oeste kon Fransia, Luksemburgo, Beljika i los Paizes Bashos.

Bundesrepublik Deutschland
Repuvlika Federala de Almania
רפובליקה פאדארלא דא אלמאניה
Bandyera Eskudo

Situasión de Almania
Situasión de Almania

Kapitala: Berlin
Mayor sivdad: Berlin
Linguas ofisialas: Alman
Forma de governo: Repuvlika Federala
Moneda: Euro
Shefe de estado: Frank-Walter Steinmeier
Shefe de governo: Olaf Scholz
Ekstension: 357 587,77 km2
·% agua: 2.416%
·Frontieras: 3.621 km
Povlasion: 84 358 845
·Densidad: 241.8 ab/km2
PIB: USD 4121,2 milyardas
Kodigo ISO: DE / DEU
Prefikso telefonika: +49
Dominasion de internet: .de

Es una de las nasiones del mundo kon un alto desvelopamiento edukativo, teknolojiko i sentifiko, kon un amuchiguamiento ekonomiko alto i una grande konosensia en las sensias i artes. El tradision konvive kon la teknolojia, lo ke aze de Almania, un paiz kon una identidad propia i kon una emportante industrializasion.

Etimolojia trocar

Almania sinyifika Tierra de los alamanes. Los almanes eran uno de los puevlos ke pasaron enfrente del rio Rin i invadieron la Galia romana durante el syeklo V.

Istoria trocar

Los primeros ombres ke afinkaron en el territorio ke oy es Almania hueron las tribus jermanikas durante la Edad de Bronse nórdika, i durante la Edad de Hierro. Endenantes el sud de Eskandinavia i el nord de Almania, las tribus komenzaron la su ekspansión al sud, este i oeste en el sieklo I A.K., entrando en kontakto kon las tribus seltas de la Galia, así como Irán, el Baltiko, i las tribus eslavas del Este dela Evropa. Poko se melda sobre la istoria de los puevlos jermánikos, eksepto lo que se sabe a traves de sus butos dentro del Imperio romano i los rejistros de ayazgos arkeolójikos.

Istoria resiente trocar

Dempues la perdida en la Sigunda Gerra Mondial la Almania hue devidida entre dos difentes payizes, la Almania Oksidentala i la Almania Oryentala. Dempues de la disgregasion de los rejimes komunistas en la Evropa Orientala, el 3 de Oktubre de 1990 la Repuvlika Demokratika de Almania de okupasion Sovyetika hue inglobada entre la Repuvlika Federala de Almania okupada desde la fin de la Gerra por los Estados Unidos de Amerika, Fransia i el Reyno Unido. Endagora la Almania es kostituida en 16 Länder o "estados".

Jeografia trocar

La mayorita altitud es el Piko de Zugpitze montanya ke se topa entre la serralada de Los Alpes de Almania i Ostria, i la minora altitud es una depresion en Basha Sajonia.

Klima trocar

El klima es variado, al nord es klima atlantiko kon huertes ventarrones yelidos de las mares i grandes inyevadas; el inverno es moderado al sud, la temperatura es basha kon inyeve en el inverno ma el verano es kaldo.

Governo i administrasion trocar

Forma de Govierno trocar

Federal

Bundestag - Dieta Federal Bundesrat - Consejo Federal
   
614 miembros 69 miembros
4 anyos
eleksion 18 de septiembre 2005 desinyasion de los Lander
   
Presidente Presidente
Norbert Lammert Winfried Kretschmann
 

Division Administrativa trocar

 
N. Nombre aleman nombre Ladino Kapital Bandeira
1 Baden-Württemberg Baden-Württemberg Stuttgart  
2 Bayern Baviera Munich  
3 Berlin Berlin Berlin  
4 Brandenburg Brandeburgo Potsdam  
5 Bremen Bremen Bremen  
6 Hamburg Amburgo Amburgo  
7 Hessen Hesse Wiesbaden  
8 Mecklenburg-Vorpommern Meklenburgo-Pomerania Oksidentala Schwerin  
9 Niedersachsen Basha Sajonia Hannover  
10 Nordrhein-Westfalen Renania del Nord-Westfalia Düsseldorf  
11 Rheinland-Pfalz Renania-Palatinado Magunsia  
12 Saarland Sarre Sarrebruck  
13 Sachsen Sajonia Dresde  
14 Sachsen-Anhalt Sajonia-Anhalt Magdeburgo  
15 Schleswig-Holstein Schleswig-Holstein Kiel  
16 Thüringen Turinjia Erfurt  

Ekonomia trocar

 
El Banko Sentral Evropeo tiene la su sede en Frankfurt en Almania.

Almania es uno de los paizes mas dezvelopados del olam, la su ekonomia depende dela sensia i la teknolojia, lo ke deriva en la industria, la investigasion, el komersio, el disenyo industrial i el arte. La moneda de Almania es el euro, ma antikamente era el marko alman.

El eks-Ministro Federalo de Relasiones Internasiyonalos, Joschka Fischer, Almania es «kampeon mundialo de las eksportasiones», dado el movimiento favorable en el comersio eksterior del paiz, ansina desde 2004, ke dio a los almanes un superávit eksportador.

En Almania se topa el Banko Sentral Evropeo, ke tiene la su sede en la sivdad de Frankfurt.

La industria otomotriz es la prinsipala fuente de lavoro i disenyo, Almania es una de las nasiones ke mas autos favrika, munchas signaturas estan afinkadas en este paiz, tales komo BMW, Mercedes Benz, Wolksvagen, Seat.

La agrikultura es otro sektor produktivo de Almania, la agroindustria es bien dezvelopada en todo el paiz.

Demografia trocar

Almania es el paiz mas povlado de Evropa, konta kon 82,175,700 avitantes.

Almania es el segundo paiz del mundo kon mayor imigrasion prosedente de komunidades ekstranieras, deskues de los Estados Unidos. La mayora komunidad ekstraniera proviene dela Turkia, siendo Almania el principalo destino de los imigrantes turkanos.

Las kinse prinsipalas sivdades almanas por nifus (2010) zon las sigientes:

 
Berlin
 
Amburgo (Hamburg)
 
Munich (München)

  Sivdad Estado Povlasion

 
Kolonia (Köln)
 
Frankfurt (Frankfurt am Main)
 
Stuttgart

1 Berlin Berlin 3,543 676
2 Amburgo Amburgo 1,724,309
3 Munich Baviera 1,388,308
4 Kolonia Renania del Norte-Westfalia 1,013,665
5 Frankfurt Hesse 676,533
6 Stuttgart Baden-Württemberg 591,015
7 Düsseldorf Renania del Norte-Westfalia 589,649
8 Dortmund Renania del Norte-Westfalia 571,403
9 Essen Renania del Norte-Westfalia 565,900
10 Bremen Bremen (Estado) 544,043
11 Dresde Sajonia 525,105
12 Lipsia Sajonia 520,838
13 Hannover Basha Sajonia 509,485
14 Núremberg Baviera 495,121
15 Duisburgo Renania del Norte-Westfalia 487,470



Almania
 


Muchiguamiento natural: {{{muchiguamiento}}}
·anyos: 2000-2005
natural: {{{}}}
Fekundidad: 1,3
Natalidad: 8,3 ‰
Mortalidad: 10,1 ‰
Mortalidad Infantil: 3,9 ‰
Esperansa de Vida: (2005)
·Ombres: {{{om}}}
·Mujeres: 82
Matrimonios 4,7 ‰
Divorsios 2,4 ‰
N° Famiyias: 39.178.000
Komp.Famiya 2,1
Povlasion urbana 88 %
Imigrantes: 707.352
Ekstranieros: 7.289.149
Turkanos   1.764.000
Italianos   540.800
Polakos   326.600
Grégos   309.800
Servios   297.000
Kroatos   228.900
Ostriakos   174.800
Grupos Etnikos Almanes 91,2%
Turkanos 2,1%
Linguas {{{linguas}}}
Relijiones:  
Protestantismo   42,8%
Katolikos   32,1%
Musulmanos   2,1%
Djudios   0,1%
otras 22,9%

Linguas trocar

El alman es la lingua ofisiala de Almania, ma egzisten otras linguas i varidades dilektales del alman, komo; el basho alman, el alemaniko, el austro-bávaro, el pomeranio i alkunas komundades de avla turka, cheka, polaka, grega, franseza, olandesa, danesa, rusa, italiana i espanyola.

Relijion trocar

El kristianizmo es la relijion mas konfesada en Almania, la mayora komunidad es la kilisia luterana evanjelika, la segunda komunidad la forma la Kilisia Katolika (prinsipalmente al sud del paiz).

El ateismo es una grande komunidad en Almania.

El djudaizmo tambien es una relijion konfesada entre los almanes, deskues de la segunda gerra mundiala abasho el numero de djudios almenes a raiz del olokasto; Endagora egzisten muevas komunidades de djudios Ashkenazim en alkunas sivdades almanas.

Edukasion trocar

Almania es una de las nasiones evropeas kon una grande merka edukativa, emportantes institusiones edukativas zon de Almania, ansina komo la Universidad de Heidelberg, una de las universidades mas antikas del paiz i de Evropa.

Kultura trocar

Almania es afamada komo El paiz de los grandes pensadores, el merdar de la istoria i la kultura, a hecho de Almania una de las nasiones mas kultas i kon mas oportunidades para produzir arte, sensia i kultura.

La tradision es huerte en las lokalidades chikas del paiz, munchos puevlos i viyas konservan las sus kostumbres antikas.

Kuzina trocar

La kuzina de Almania konta kon varios platos huertes, las ensaladas, los karnikos atiborrados komo las salchichas, chorizos y salamis zon hechos de forma artesanala.

Muzika trocar

La muzika klasika es grande mente rekonosida por los almanes, emportantes muzikos klasikos zon de Almania, Ludwig van Beethoven es uno de los mas afamados.

Filmo trocar

El gabinet del Doktor Caligary fue un filmo alman mudo de pavor del anyo 1920, ande se uzo efektos espesiales i alkunos efektos de kolor para amostrar al sinema komo un grande arte del sieklo XX.

Espor trocar

 
Almania durante la klasifikasion para la Evrokopa 2012.

Almania destaka en todas las disiplinas esportivas, ma la prinsipala aktividad ke se djuega es el futbol.

Almania ha sido sede de los djogos olimpikos varias vezes, Munich es una de las prinsipalas sivdades sedes para selebrar los djogos olimpikos.

Ver endemas trocar

Referensias trocar

Atamientos eksternos trocar

  Wikimedia Commons alberga kontenido multimedia sovre Almania



 
Paizes miembros de la Union Evropea
 

Almania | Austria | Beljika | Bulgaria | Dinamarka | Eslovakia | Eslovenia | Espanya | Estonia | Finlandia | Fransia | Gresia | Irlanda | Italia | Kipre | Letonia | Lituania | Luksemburgo | Madjaristan | Malta | Paizes Bashos | Polonia | Portugal | Repuvlika Cheka | Reyno Unido | Rumania | Suesia



 
Almania
 

Baden-Württemberg   | Baviera   | Berlin   | Brandeburgo   | Brema   | Amburgo   | Hesse   | Mecklenburgo-Pomerania Oksidentala   | Basha Sajonia   | Renania del Nord-Westfalia   | Renania-Palatinado   | Sarre   | Sajonia   | Saksonia-Anhalt   | Schleswig-Holstein   | Turinjia